RÉNGKAK NGAWIH SEKAR INDRIYA
Gending BUBUKA
Barudak asup ka pentas luyu jeung gending, nyieun rupa -rupa gerakan
kaulinan masing-masing sewang-sewangan. Teu lila salah saurang ngajak nu
séjénna sangkan babarengan ngawih (GENDING RESEP NGAWIH)
ANGGANA SEKAR : Urang sareng
RAMPAK SEKAR : Yu!
ANGGANA SEKAR : Kakawihan
RAMPAK SEKAR : Yu!
RAMPAK SEKAR : Bari ameng di buruan
: Suka-suka Yu!
Jalan-jalan, Yu!
Sing gumbira,
kakawihan
Ka sakola, Yu!
Bari ngawih, Yu!
Sangkan sora
Jadi bersih
GENDING PANYELANG
Barudak nyieun
formasi satengah buleudan sanggeus baradami rék ulin ucing-ucingan (UCING-UCINGAN)
RAMPAK SEKAR : Karumpul babaturan
Arulin
di buruan
Ulin ucing-ucingan
Lumpat udag-udagan
Cing
cangkeling manuk cingkleung cindeten
Plos ka kolong, bapa Satar ……………………
Cing cangkeling manuk cingkleung cindeten
Plos ka kolong, bapa Satar “buleneng”
GENDING : Ngaragakeun
ucing-ucingan – diantarana Ucing Cingogo
Sieun
diudag ucing
Kabéh pada caringcing
Ucing kukurilingan
Cingeusna kawas maling
Cing
cangkeling, manuk cingkleung cindeten
Plos
ka kolong, jadi ucing ngahuleng
GENDING : Nu jadi ucing
ngahuleng, ku babaturana di ajak ulin TOKÉCANG
RAMPAK SEKAR : Di
buruan. Ulin papuntang-puntang
Babarengan
, Ngawih lagu tokécang
Tokécang,Tokécang,Balagendil tosblong
Angeun kacang, angeun kacang, sapendil
kosong
Tokécang,
tokécang, balagendil tosblong
Angeun kacang,angeun
kacang sapariuk kosong
GENDING – NGAWIH –
GENDING - NGAWIH
GENDING: Barudak awéwé jeung
lalaki marisah nyieun barisan masing-masing, tuluy ngawih patémbalan jeung
arulin ORAY-ORAYAN
BUDAK LALAKI : Oray-orayan luar-léor mapay sawah
BUDAK AWEWE :
Entong ka sawah paréna keur sedeng
beukah
BUDAK LALAKI : Oray-orayan luar-léot mapay kebon
:
Entong ka kebon loba barudak keur ngangon
:
Mending ka leuwi, di leuwi loba nu mandi
BUDAK AWÉWÉ :
Saha nu mandi
BUDAK LALAKI : Anu mandina pandeuri
GENDING : Oray-orayan lalaki ngudag oray-orayan awéwé………Ngawih lagu
ORAY-ORAYAN….dibalikeun Budak lalaki
nu nanya…..Oray-orayan awéwé rék ngudag buntut oray-orayan lalaki, dilawan
disingsieunan…..barudak awéwé bubar lalumpatan……ti dituna mah pundung…..barudak
lalaki ngajak JALAN JALAN, barudak
awéwé ngagabung deui milu ulin
1.
Hayu urang jalan-jalan, mapay
sawah jeung tegalan
Masing awas, tuh
aya solokan,Yu bareng urang luncatan
GENDING Barudak
laluncatan
2.
Hayu urang jalan-jalan, mapay sawah
jeung tegalan
Sing iatna, leuh
jeblog jalanna, kapaksa jéngke leumpangna
GENDING Barudak
leumpangna jéngké
3.
Hayu urang jalan-jalan, mapay
sawah jeung tegalan
Urang nyoba tuh
meuntas walungan, leumpangna mapay jambatan
GENDING Leumpang
disorodotkrun bari nulak cangkéng
Atawa leungeun dijalaprangkeun
ka gigir
4.
Hayu urang jalan-jalan, mapay
sawah jeung tegalan
Mipir pasir,
deuh di sisi jurang, kapaksa kudu ngorondang
GENDING Barudak
ngorondang
5.
Hayu urang jalan-jalan, mapay
sawah jeung tegalan
Téngah poé, duh
panas nongtoréng
Gancangan
leumpang tong meléng (GENDING Barudak leumoang nyigcrig)
6.
Hayu urang jalan-jalan, mapay
sawah jeung tegalan
Awak lesu, duh
leumpang geus lila, hayu urang reureuh heula
GENDING Barudak
reureuh
GENDING: Barudak rareureuh,
bari ngalamun séwang-séwangan, saterusna ngawih giliran lagu LALAMUNAN
BUDAK 1 : Mun abdi pareng nincak déwasa
Badé ngabantu Rukun Tatangga
Gotong royong tur sabilulungan
Trong trong trong
Sora kohkol ngélingan
GENDING PANYELANG
BUDAK 2 :
Mun abdi pareng nincak déwasa
Hoyong laksana jadi tentara
Ngusir musuh nu rék niat jail
Dor – dor – dor
Musuh paéh di bedil
GENDING PANYELANG
BUDAK 3 : Mun
abdi pareng jadi nu kaya
Moal nyaah ku dunya barana
Pakir miskin nu
katalangsara
Sok-sok-sok, rék dibagi walatra
GENDING:
marengan efek sora manuk, barudak neuteup
ka jauhna ningal paré tuluy bareng ngawih DI
SAWAH
RAMPAK SEKAR :
Paré kaanginan ngagupayan
Nutupan galengan ngahalangan
Ngaléngkah teu genah
Paré dina tincakeun
Disingraykeun, disuaykeun
GENDING PANYELANG
:
Manuk ngabubuhan dibobodo
Intip lalaunan jeung cingogo
Sing iceus rancingeus
Tuh manuk urang boro
Leumpang dongko ngadodoho
GENDING PANYELANG
: Manuk téh ku awas hiber jauh
Kabur bari reuwas semu rusuh
Ngahuleng, ngajanteng
Ngalamun bisa hiber
Rék diincer, rék diuber
GENDING: Barudak nurutan hiber
manuk ku rengkak masing-masing, sanggeus capé tuluy arulin EUNDEUK-EUNDEUKAN
ANGGANA SEKAR : Hayu batur urang ulin ka kebon
Tataékan dina tangkal nu doyong
RAMPAK SEKAR :
Eundeuk-eundeukan na dahan
Resep emplad-empladan
Diuk ungkleuk-ungkleukan
Kakawihan
GENDING : Ngaragakeun nu
eundeuk-eundeukan
ANGGANA SEKAR : Hayu batur urang ulin ka landeuh
Tataékan bari muntang sing pageuh
RAMPAK SEKAR :
Eundeuk-eundeukan bagenti
Sepi tina karisi
Dina dahan sidéngdang
Moal lewang
GENDING AYANG-AYANGGUNG : Barudak leumpang pakaléng-kaléng dua-duaan, tuluy ngawih
babarengan (motif lagu paudag-udag)
RAMPAK SEKAR :
Ayang-ayang gung (Gung)
Gung goongna ramé (Mé)
Ménak ki Mas Tanu (Nu)
Nu jadi wadana (Na)
Naha mana kitu (Tu)
Tukang olo-olo (Lo)
Loba anu giruk (Ruk)
Ruket jeung kumpeni (Ni)
Niat ngudag pangkat (Kat)
Katon kagoréngan (Ngan)
Ngantos kangjeng dalem (lem)
Lempa-lempi lempong
Jalan ka Batawi ngemplong
Ngadu pipi jeung nu ompong
GENDING (barudak pakaleng-kaléngna jadi
dua rombongan – rombongan lalaki misah jeung rombongan awéwé, ngawih
patémbalan)
RAMPAK SEKAR :
Ayang-ayang gung (Gung)
Gung goongna tarik (Rik)
Rikat arék nyaba (Ba)
Bari kakawihan (Han)
Hantem gogonjakan (Kan)
Kantenan gumbira (Ra)
Ramé ku nu seuri (Ri)
Riab ting alabring
Hahahahahahah
Hihihihihihihih
Heuheuheuheuy deuh
Hahahahahahah
Hihihihihihihih
Heuheuheuheuy deuh
GENDING ( Barudak awéwé jeung lalaki pacampur ngahiji
leungeuna “ayang-ayangan” ngawangun ranté) tuluy nuluykeun ngawihna)
RAMPAK :
Ayang-ayang gung (Gung)
Gung goong Kacapi (Pi)
Piraku rék poho (Ho)
Horéng kudu pinter (Ter)
Terang tata titi (Ti)
Tinangtu waluya (Ya)
Yakin loba sobat (bat)
Batur ubrang-abring
GENDING : (NIRON TENTARA), Barudak ngawangun barisan nu rapih, tos beres tuluy ngawih babarengan lagu NIRON TENTARA
RAMPAK SEKAR :
Ngabaris bérés niron tentara
Terus maju jalan “Tu dwa, Tu dwa”
Leumpang gandang dangah gagah
Baris bari ngatur léngkah
GENDING : Barisan ngawangun
formasi baris nu beda jeung formasi mimiti
RAMPAK SEKAR :
Nyoréndang bedil niron tentara
Bélok kanan kiri “Tu dwa, Tu dwa”
Ngelab-ngelab sang Dwi Warna
Siap maju bitotama
GENDING : Nyieun formasi barisan,sawaréh siga nu maén
drumband
RAMPAK SEKAR :
Leumpang dipirig ku tatamburan
Keupatna diatur “Tu dwa, Tu dwa”
Léngkah kanan, léngkah kiri
Terus maju banting kaki
GENDING :
Nyieun formasi hormat barisan tuluy bubar jalan dina gending PANUTUP
Bandung, 10 April 2017
