ISTRI TAMPIKAN

ISTRI TAMPIKAN

1
Daek milih ka Engkang, PAMINGPIN BESAR
Deuh sagala aya, terhormat jeung beunghar

ISTRI:
Deuh narah, moal bade sadrah
Sok inggis Pamingpin palsu
Pakaya beunang titipu
Abdi rempan sieun jadi korban (aduh)
Abdi moal bibilasan

2
Daek milih ka Engkang, AHLI PIDATO
Deuh pertentang gandang, ku batur kajojo

ISTRI :
Deuh ampun, sanes teu kayungyun
Sok inggis dirumah tangga
Pidato jadi “senjata”
Menta blanja dibere pidato (aduh)
Abdi moal mikasono

3
Daek milih ka Engkang, KAPALA KANTOR
Deuh Engkang kawasa, mo aya nu negor

ISTRI :
Deuh narah, moal bade leah
Song inggis diteler-teler
Sapedah manggih nu maher
Maen mata jeung Klerek wanita (aduh)
Abdi mah moal percaya

4
Daek milih ka Engkang, PEGAWAI TINGGI
Deuh gajih genep B, tuh mobil sayagi

ISTRI :
Deuh narah, da abdi mah cacah
Sok inggis dikantun turni,
Teu betah calik di bumi
Geuning sering meninjau nguriling (aduh)
Tilu minggu tara sumping

5
Daek milih ka Engkang, SUDAGAR BEUNGHAR
Deuh keur lubak libuk, gedongna ngajajar

ISTRI :
Deuh narah, moal tumaninah
Sok inggis rucah awuntah
Pakaya modal keur nikah
Popotongan di unggal pengkolan (aduh)
Hawa duit sok rayungan

6
Daek milih ka Engkang, PANGURUS PARTE
Deuh ngamudi ra’yat ku jalan nu hade

ISTRI :
Deuh hamo, inggis pareng moho
Ti beurang Organisasi
Ti peuting Administrasi
Rumah tangga teu kapirosea (aduh)
Abdi bade ngemut heula

7
Daek milih ka Engkang, PAMINGPIN SENI
Deuh sohor kamsyhur jiwa nu “berbudi”

ISTRI :
Deuh narah, sok inggis sarakah
Micinta kana sorana
Tungtungna ka jelemana
Seni swara jadi “seni mata” (aduh)
Moal aya nu mercaya

8
Daek milih ka Engkang, LUITENANT SATU
Deuh sakeudeung deui promosi geus tangtu

ISTRI :
Deuh narah, moal bade sadrah
Keur sare paur ngalindur

Ngabedil batu sakasur
Sareng rempan, sok inggis rayungan (aduh)
Abdi moal nyaluyuan

9
Daek milih ka Engkang, KABAYAN LUCU
Deuh gajih mucekil ti dieu ti ditu

ISTRI :
Deuh rempan, sok seueur alesan
Pajarkeun rapat di kantor
Sihoreng tos udar ador
Rek latihan, horeng “peperlipan” (aduh)
Bade ngemut heulaanan

10
Daek milih ka Engkang, AGEN PULISI
Deuh tandang ngajaga, parabot sayagi

ISTRI :
Deuh kapok, kapungkur paamprok
Nalika tumpak sepeda
Ditangkep taya hampura
Pedah sepedah, teu aya penengan (aduh)
Rupina moal laksana

11
Daek milih ka Engkang, PAMINGPIN KOMIK
Deuh Engkang popular, di barudak leutik

ISTRI :
Duh rempan, inggis kasurupan
Ngadadak jadi Rahwana
Mucinta istri nu riba
Hayang ngapung ngudag-ngudag gelung (aduh) Abdi mah inggis kapahung

12
Daek milih ka Engkang, darah PATANI
Deuh beunghar ku beas, henteu kudu meuli

ISTRI :
Duh risi, inggis kurang aksi
Panganggo baraseuh ngucrak
Jareblog pinuh ku leutak
Artos ijon, inggis moal cumpon (aduh)
Hirup hamo bias jongjon

13
Daek milih ka Engkang, WARTAWAN LEUTIK
Deuh beunghar kanyaho social politik

ISTRI :
Duh rempan, inggis hese jajan
Sanajan vulpen na tembong
Dirampa kantongna kosong
Cari b’rita, mindeng jalan kaki (aduh)
Abdi moal bade nampi

14
Daek milih ka Engkang, JAGO BADMINTON
Deuh mun geus bayangan, Sonneville ge kawon

ISTRI :
Duh ajrih, inggis henteu tanjrih
Siang jeung wengi amengan
Badminton kamalinaan
Meser reket, prima kualitet (aduh)
Rumah tangga kurat-karet

15
Daek milih ka Engkang, DALANG PERTENTANG
Deuh teu boga hutang, sabab loba nokang

ISTRI
Duh duka, teu matak kabita
Payu ge sok mawa curang
Ka unggal Pasinden hayang
Anu lengoh henteu kaop bongoh (aduh)
Abdi mah moal karooh

16
Daek milih ka Engkang, ELIT PARLEMEN
Deuh hasil pilihan ngajadi “gegeden”

ISTRI :
Duh ampun, moal kumawantun
Geus hasil inggis ngahenen
Ka nasib ra’yat teu open
Ra’yat sedih tetep elih-elih (aduh)
Abdi oge ngiring sedih

17
Daek milih ka Engkang, OMROEPER RRI
Deuh soara ngoncrang, pinuh ku pangarti

ISTRI :
Deuh sidik, gajihna saeutik
Mending ge ka tukang Goong
Gamelan Studio Bandung
Timbul cinta, mun katingal harta (aduh)
Moal waka nyebat “mangga”

KARETA API

1
RAMPAK SEKAR PANUMPANG
Mapay erel jalan anu tangtu
Ngagem pancen rintih nya lumaku
Handaruan jalan muru waktu
Ngatur kacepetan teu ngawagu

Ngageleser maju lalauan
Beuki lila jalan, ngagancangan
Taat galideur kreta api khusu
Taat kumawula kana waktu

Hoang, garang, tandang, gandang
Nyebrut, segut, gagah, dangah
Hoang, garang, tandang, gandang
Nyebrut, segut, gagah, dangah

KONDEKTUR : Karcis nona perlihatkanlah padaku!
PANUMPANG : Mangga kasanggakeun sadayana tilu
KONDEKTUR : Kenapakah ini hanya ada dua?
PANUMPANG : Bapa mah ngabohong, kapan eta tilu
KONDEKTUR : Duh nakal! Tuh lihat!
Karcis yang ketiga, tuh! Kartu domino
PANUMPANG : Rumaos hilap, artosna teu cekap
Badi mayar dengdaan, engke tos tutup bulan

RAMPAK SEKAR PANUMPANG
Hoang, garang, tandang, gandang
Nyebrut, segut, gagah, dangah
Hoang, garang, tandang, gandang
Nyebrut, segut, gagah, dangah

2
RAMPAK SEKAR PANUMPANG
Setatsion dipapay taliti
Anu naek turun ganti-ganti
Dina bordes ribut balawiri
Panumpang paciweuh, napsi-napsi

Turun unggah panumpang pajejel
Sawareh hayang pacekel-cekel
Nunggu rintih beresna panumpang
Kareta ngadago teu hariwang

Hoang, garang, tandang, gandang
Nyebrut, segut, gagah, dangah
Hoang, garang, tandang, gandang
Nyebrut, segut, gagah, dangah

KONDEKTUR : Naek kreta masuknya dari jendela!
PANUMPANG : Kapan ngarah salse milih pangdiukan
KONDEKTUR : Kenapakah tidak melalui “bordes”
PANUMPANG : Kapan pasesedek, di “bordes” teu aman
KONDEKTUR : Duh nakal! Duh nakal!
Nona harus turun dan bayar dendaan
PANUMPANG : Eta mah gampil, dengdaan dicicil
Turun ayeuna kagok, mending caket rorompok

RAMPAK SEKAR PANUMPANG
Hoang, garang, tandang, gandang
Nyebrut, segut, gagah, dangah
Hoang, garang, tandang, gandang
Nyebrut, segut, gagah, dangah

3
RAMPAK SEKAR PANUMPANG
Tanggung jawab kapala statsion
Nyekel tanda beureum dina peron
Kreta api maju lalaunan
Ngahoang disada handaruan

Pa Kanektur ngatur kaberesan
Sakumna panumpang dititenan
Dipariksa karcisna taliti
Tata tertib diatur taliti

Hoang, garang, tandang, gandang
Nyebrut, segut, gagah, dangah
Hoang, garang, tandang, gandang
Nyebrut, segut, gagah, dangah

KONDEKTUR : Siapakah yang empunya anjing ini
PANUMPANG : Ieu anu abdi anjingna satia
KONDEKTUR : Untuk anjing sedia tempat yang khusus
PANUMPANG : Sawios di dieu moal ngegel Bapa
KONDEKTUR : Duh nakal! Duh nakal!
Nona harus lekas membayar dendaan
PANUMPANG : Taya dengdaan, teu aya penengan
Taya rante brongsong, inggis anjing dieurad

RAMPAK SEKAR PANUMPANG
Hoang, garang, tandang, gandang
Nyebrut, segut, gagah, dangah
Hoang, garang, tandang, gandang
Nyebrut, segut, gagah, dangah

4
RAMPAK SEKAR PANUMPANG
Mapay erel jalan nu tangtu
Ngagem tugas rintih lumaku
Ngadius jalan mangprung
Tabah teu ngawagu
(ngadius kreta api, jalanna ati-ati)
Teu galider lumaku khusu
Teu bosen bengbatan
Ngabdi kana waktu

Hoang, garang, tandang, gandang
Nyebrut, segut, gagah, dangah
Hoang, garang, tandang, gandang
Nyebrut, segut, gagah, dangah

KONDEKTUR : Siapakah yang narik erem-bahaya
PANUMPANG : Abdi tanggung jawab, Bapa ulah ngutruk
KONDEKTUR : Harus bayar sekian puluh rupiah
PANUMPANG : Aya ge lippenstip jeung Kartu Penduduk
KONDEKTUR : Duh nakal! Duh nakal!
Apa sebab menarik erem-bahaya
PANUMPANG : Margi ngadadak, cilaka ngagentag
Gelung pedral tikait, coplok ngacleng kaluar

RAMPAK SEKAR PANUMPANG
Hoang, garang, tandang, gandang
Nyebrut, segut, gagah, dangah
Hoang, garang, tandang, gandang
Nyebrut, segut, gagah, dangah

MALINDES

1
PAMEGET
Itu aya istri, angkat andalemi
Arek diajak diskusi
Leuh siga nu pasini

Rek sina mikiran soal pembangunan
Leuh pantes bodo pisan
Heu-heu-heu-heu-heu-heu-heu

Ieuh nyai geura lalilir - na da ieu ge teu keur sare
Jiwa lampah kudu digilir - jiwa sareng lampah nu kumaha
Entong wungkul sukan-sukan - ari kitu
Kapan geus waktuna pembangunan - lah bisa we kabatur

Hoyah Bapa licik sorangan - ari taeun teh licik kumaha
Geuning lucu seueur alesan - alesan palebah manana
Pajar nempuh pembangunan - ari kitu
Sihoreng teh ngatur pangulinan

PAMEGET : Najan ulin ngandung maksud
ISTRI : Maksudna nungtun ramijud
PAMEGET : Ulin soteh keur usaha
ISTRI : Usaka keur suka ria
PAMEGET : Nyai oge geuning ningkah
ISTRI : Da bongan bapa sarakah
PAMEGET : Gampang nuduh
ISTRI : Bapa oge angkuh, kabisa ulin teu puguh

2
PAMEGET
Itu aya istri, angkat andalemi
Arek diajak diskusi
Leuh siga nu pasini

Rek nyoba dijajal tina hal social
Leuh pantes taya akal
Heu-heu-heu-heu-heu-heu-heu

PAMEGET
Nyai masing daek sosial - kapan kamari ngajajanan
Amal hajat rijki nu halal - lah, na aya halon kakupingna
Entong nurutan barudak - na kumaha
Datang nu musapir dibuburak - eta mah ngabuburak hayam

ISTRI
Ieuh naha bapa uninga - na aya peristiwa naon
Tadi kadongkapan tatangga - tatangga! rek naon cenah
Beas bagian manehna - ari kitu!
Ku bapa diringkid sadayana

PAMEGET : Rek social pangnebuskeun
ISTRI : Tapi teu terus dibikeun
PAMEGET : Saenyana bapa butuh
ISTRI : Tapi tatangga nu ripuh
PAMEGET : Geuning Nyai ku usilan
ISTRI: Da bongan dimimitian
PAMEGET : Bapa ambek
ISTRI : Abdi oge ambek, da bapa koret jeung hawek

3
PAMEGET
Itu aya istri, angkat andalemi
Arek diajak diskusi
Leuh siga nu pasini

Rek nyoba diuji, soal Ekonomi
Leuh pantes moal ngarti
Heu-heu-heu-heu-heu-heu-heu

PAMEGET
Ieuh Nyai masing parimpen - kantenan we
Duit kudu mayeng disimpen - unggal sasih ge nyengcelengan
Nyimpen kakara saratus - ari kitu?
Tapi maksa nganjuk tujuh ratus

ISTRI
Hoyah bapa oge osok curang - ah gagabah teuing
Nyumput nimbun barang digudang - sasalingkeran soteh sieun pulisi
Kajeun ra’yat kalangkabut - ari kitu
Ngelemet dijual harga catut

PAMEGET : Kapan taktik cari untung
ISTRI : Tapi ra’yat jadi bingung
PAMEGET : Ekonomi dikuatan
ISTRI : Bapa nu untung sorangan
BAPA : Nyai oge resep nganjuk
ISTRI : Kapan kabutuhan numpuk
PAMEGET : Kudu perih
ISTRI : Beuteung peurih, katambah loba nu nagih

4
PAMEGET
Itu aya istri, angkat andalemi
Arek diajak diskusi
Leuh siga nu pasini

Rek nanya sing telik tina hal pulitik
Leuh pantesna the ceurik
Heu-heu-heu-heu-heu-heu-heu

PAMEGET
Nyai kudu ngarti pulitik - pulitik dapur mah ngartos
Buku-buku perlu diulik - lah teu ari, mending maca komik
Pulitik kanagaraan - dikumahakeun
Tong disarwakeun jeung kacantikan - bisa sorangan bapa mah

ISTRI
Ieuh bapa pinter ngan licik - licik kumaha
Taktik telik ngulik pulitik - puguh we, da tepi ka rieut jangar
Turta ngarti ngan meueusan - ari kitu?
Tapi nu dierong kadudukan

PAMEGET : Kapan hayang bela ra’yat
ISTRI : Da ra’yat tetep masakat
PAMEGET : Hirup leutik kudu tuman
ISTRI : Perlu ku Bapa contoan
PAMEGET : Bapa kungsi dahar “singkong”
ISTRI : Tapi jeung kiju mantega
PAMEGET : Entong loba ngomong
ISTRI : Ulah songong sombong, ditambah jeung gede bohong

5
PAMEGET
Itu aya istri, angkat andalemi
Arek diajak diskusi
Leuh siga nu pasini

Sina ngamanaan soal Persatuan
Leuh pantes tolol pisan
Heu-heu-heu-heu-heu-heu-heu

PAMEGET
Ieuh Nyai kudu bersatu - kantenan we supados teguh
Sangkan nagri kuat tur maju - kadangkala Irian ge tiasa karebut
Ulah pedah teu nyambungan - har na kumaha kitu?
Geuning jeung tatangga mumusuhan - sanes musuh, isin patepang

ISTRI
Euleuh bisa wae pidato - tukang anjuran tea
Geuning tadi bapa kapergo - euh basa di imah tea
Silih cakar jeung geureuha - ceuk saha?
Bongan lami teuing di nu ngora

PAMEGET : Latihan keur persatuan
ISTRI : Latihan panyerewedan
PAMEGET : (da) teu ngalawan ukur nyentak
ISTRI : Tapi make surat talak
PAMEGET : Kapan isuk rek diruju
ISTRI : Persatuan cala-culu
PAMEGET : Persatuan
ISTRI : Geuning perceraian, tungtungna awut-awutan

PAMEGET CEGEKAN

1
ISTRI :
Kersa milih ka abdi PADAMEL KANTOR
Deuh gajih mucekil, gaduh pamor

PAMEGET :
Sanes nampik
Sanes siksik melik
Sok inggis datang ka imah
Ngajentul kurang kabetah
Sang bojo keur melembur
Tuangeun can diatur
Beuteung lapar jeung hate tagiwur

ISTRI : Deuh rumah tangga kapan make rencana
PAMEGET : Rencana disusun-susun praktekna dordar pasea

2
ISTRI :
Kersa milih ka abdi PENGGEMAR SPOR
Deuh tenis badminton tumpak motor

PAMEGET :
Sanes embung
Mung teu weleh bingung
Sok inggis engkang cilaka
Ngajaga dapur kapaksa
Geureuha keur Badminton
Caroge nyangu jongjon
Iuran ku sepor henteu cumpon

ISTRI : Deuh kapan sehat, tanaga pinasti awet
PAMEGET : Sok inggis pareng pasea pabentar kababuk reket

3
ISTRI :
Kersa milih ka abdi WEDALAN KOTA
Deuh gandang pertentang istimewa

PAMEGET :
Sanes bedang
Mung rada honcewang
Engkang mah sagala tuna
Teu paham basa Walanda
Henteu pertentang gandang
Teu tiasa “vriy omgang”
Teu tiasa hirup roroyalan

ISTRI : Deuh ulah hamham kitu teh keur kamajuan
PAMEGET : Kamajuan wawarehan Engkang mah raweuy ku hutang

4
ISTRI :
Kersa milih ka ISTRI ORGANISASI
Deuh tujuan hirup nu utami

PAMEGET :
Moal waka
Sanes teu kabita
Sok inggis kamalinaan
Berjuang kaleuleuwihan
Siang wengi ceramah
Caroge tunggu imah
Rumah tangga kitu kurang betah

Deuh rumah tangga disusun reujeung taliti
Mun katangen Engkang nyandung,
pinasti gancang dimosi

4
ISTRI :
Kersa milih ka abdi WANITA BEUNGHAR
Deuh sambetan Engkang rek dibayar

PAMEGET :
Engkang sieun
Sanes beubeulieun
Sok inggis beunghar
sarakah
Tungtungna engkang
dijajah
Caroge dijajanan
Mun salah dicarekan
Nyalindung ka gelung mamandapan

ISTRI : Deuh keun teh teuing dapon lana idek liher
PAMEGET : Geus bosen Engkang disepak balik ngan ngajingjing koper

5
ISTRI :
Kersa milih ka abdi WANITA PANGKAT
deuh luhur pangarti jeung darajat

PAMEGET :
Engkang wegah
Sok inggis dijajah
Pangarti engkang nu tuna
Dihoa ku sang geureuha
Dahar sok mapatahan
Mandi sok mapatahan
Lamun teu diturut sok belikan

ISTRI : Deuh ulah kitu Engkang mah sok horeaman
PAMEGET : Sang geureuha nyepeng kuprol, caroge jadi buntelan

6
ISTRI :
Kersa milih ka abdi PASINDEN ulung
Deuh yasa ngalipur nu keur bingung

PAMEGET :
Aduh ampun
Sanes teu kayungyun
Sok inggis ngawih jeung meta
Gelenye jeung maen mata
Giler kanu lalajo
Giler panarik sono
Bari umat imut sumolondo

ISTRI : Deuh mun rek kulem dipirig ku lalaguan
PAMEGET : Pasinden sok mawa gandeng gundamna hahariringan

RAPAT RT

PAMUDA
Gotong royong! Silih rojong! Persatuan sing tembong
Rukun tatangga dikampung-kampung dikota
Nimbulkeun rasa jeung mahluk sajiwa
Paheuyeuk-heuyeuk leungeun layeut sauyunan
jeung batur silih ajenan
(alok: rempug jukung babarengan – sabobot sapihanean)

Rukun tatangga diwangun ku para umpi
Unggal lapisan ngagulung ngajadi hiji
Garotong royong teu ngabeda-beda pangkat
sabilulungan saharkat
(alok: rayat leutik rayat gede-kudu tunduk ka Pa RT)
……… bende ditabeuh;
GEURA DEUGDEUG, TONG TALANGKE, RAPAT DI BAPA RT

PAMUDA Rampak sekar – para pamudi nungtutan daratang (rupa-rupa pakean)
Pating gandeuang, angkat rapat rurat reret
Datang ka rapat, make padoman jam karet
Ayang-ayanggung, tepak toel bangun sono
Babadamian, tas rapat arek lalajo
Bari ka rapat, rek balanja sakalian
Ngaritung duit, bari marawa jingjingan
Samemeh rapat, badminton heula diselang
Datang ka rapat, ngahegak kokoprot kesang
Samemeh rapat dialajar tumpak motor
Nganggo lancingan, angkatna pating langgeor

Para Pamuda beberes tempat keur rapat, sabadana terus nabeuh bende
PARA TAMU ULAH NGUTRUK, TUH BAPA RT CUNDUK
Gamelan ngalagu Bendrong, mirig pa RT nu kakara cunduk
Barang Pa RT geus salse, diuk nyanghareupan meja Ketua, sarta nyandingkeun wakilna
…. Bende ditabeuh; PARA MITRA! GEURA CENGKAT! PA RT MUKA RAPAT

Pa RT: jung nangtung ngetrokeun palu kana meja, muka rapat ku lagu Sinom

Sabadana uluk salam, ngedalkeun kabungah ati
Reh para mitra sadaya, dina rapat pada hadlir
Teu rek diwiji-wiji, ka sadaya hatur nuhun
Muga hade buahna, rapat dipungkas ku mosi, nu ditanda sing ngajejer babarengan…

Acara anu munggaran, ngabahas hal ekonomi
Nya ku jalan rereongan, ngawujudkeun koperasi
Acara sejenna deui, ngunder elmu pangaweruh
Urang tuker pikiran, ku jalan ngatur diskusi
Silih cental ngan entong terus pasea

Acara nu pangakhirna, ku Bapa katimbang penting
Sawala sacara bebas, nyusun rupa-rupa kritik
Kaluarkeun opini, tong aya ngewa dikemu
Pek jieun bubulanan, meungpeung waktuna mustari
Bapa oge sadia keur medal sila

Saterusna :
Komentar RT tina perkara nyusun acara : 1. Ekonomi/Koperasi 2. Diskusi 3. Kririk kritik
Acara ka 1 nyaeta Koperasi
Ku Pa RT ieu soal dipasrahkeun ka hadirin geusan ngabahasna

RS:
Koperasi – Koperasi
Rikrik gemi jadi pangkal kakayaan
Resep apik kana rijki
Kajeun leutik sok dapon jeung tinemenan

AS Pi:
Tinimbang pake awuntah
Duit dipake teu uni
Mending diatur sing tabah
Disimpen di Koperasi

AS Pa:
Cari pekerjaan euweuh diploma
Arek tani, sawah henteu boga
Jadi tukang copet sieun pulisi
Mun nganggur nagara rugi

AS Pi:
Bisa oge ngararancang
Koperasi bakal ngatur
Mere nginjeum duit modal
Ka si leutik nu keur nganggur

AS Pa:
Rek jadi tentara, sieun ku mortir
Jadi supir, teu boga rebewes
Nyerepan pilmster, teu boga dasi
Mun nganggur nagara rugi

RS:
Tinimbangan duit dipake teu uni
Mending atur disimpen di Koperasi
Laun-laun koperasi bisa ngatur
Mere modal ka sileutik nu keur nganggur

diselang bapa RT mere komentar

AS Pi:
Bahruteng dapur ditinjau
Diatur masing taliti
Bahruteng moal rek kacau
Mun inget ka koperasi

AS Pa:
Hayang sare tibra teu boga imah
Los ka hotel, harus bayar kontan
Rek sare di gardu, disangka bangsat
Rek nyewa euweuh wang konci

AS Pi :
Koperasi kahareupna
Ngararancang perumahan
Keur ngaraksa jeung nulungan
Rayat nu katalangsara


AS Pa:
Rek sare pateep da lain peda
Rumah sewa, berat uang muka
Rek sare di luar, sieun titinggi
Tugenah sedih sungkiki

RS:
Bahruteng dapur diatur sing taliti
Pacuan poho nyimpen di Koperasi
Laun-laun Koperasi ngarencana
Ngimahan rayat nu keur katalangsara

· Acara ka I ditutup ku komentar Pa RT
Acara ka II (Diskusi: ka teu amanan hate)
Kitu deui keur ngabahas ieu acara, ku Pa RT dipasrahkeun ka Pamuda jeung Pamudi
Sarta ngawawadian supaya entong terus pasea

1
- Ari kaka tos uninga, naon pangna hate teu aman?
+ Terang pisan, sabab loba kasieun
- Sieun ngelmu henteu junun (geuning) rarat di jalan
+ Kaka mah sieun teu gandang
- Abdi mah sieun ku perang
+ Kaka sieun kunu rewig
- Iiiih, sieun ku jurig
+ Hoyah geuning borangan
- Kapan hate teu aman
+ Kapa oge
- Abdi oge
x Papada loba kasieun
PELOG
- Sieun teu mulya, sieun hirup sangsara
+ Sieun adi goreng patut
- Sieun lanceuk teu matut
+ Eeeeeh, geuning poyokan
- Bongan nyarekan
+ Lain nyarek
- Lain moyok
x Perbawa hate teu aman

2
- Ari Kaka tos uninga, naon pangna hate aman?
+ Terang pisan, sabab loba kahayang
- Hayang beunghar hayang ginding, (geuning) kaleuleuwihi
+ Kaka mah hayang pamuji
- Abdi mah hayang kumaki
+ Bapa hayang meunang lotre
- Iiiih, hayang BMW
+ Hoyah geuning sarakah
- Eyyy, kaka ge ningkah
+ Da kaka mah
- Abdi oge
x Ngan ukur semet kahayang
PELOG
- Hayang dihormat, hayang didama-dama
+ Nyai kudu loba jasa
- Kapan cekap ku carita
+ Laaaaaah eta mah sombong
- Kaka ge bohong
+ Nyai sombong
- Bapa bohong
x Tungtungna rek patorong-torong

3
- Ari kaka tos uninga, naon pangna hate aman?
+ Terang pisan, sabab loba kanyaah
- Abdi nyaah kana speda (geuning) teu ditumpakan
+ Sok nyaah ka jalma jahat
- Da Kaka resep basilat
+ Kaka nyaah kanu muji
- Eyy ku leumpeuh yuni
+ ituh kateterusan
- Bongan dimimitian
+ Kaka nyaah
- Abdi oge
x Papada resep dialem

4
- Ari Kaka tos uninga, naon pangna hate aman?
+ Terang pisan, sabab loba kaembung
- Embung hirup sederhana, (geuning) karasa hina
+ Kaka mah embung kagoda
- Abdi mah embung sangsara
+ Kaka embung hese cape
- Iiiih, embung digawe
+ Hoyah! bet pangedulan
- Ituh bet teu ceehan
+ Lain ngedul
- Sanes melid
x Papada loba ka embung

PELOG
- Embung latihan, tapi hayang pujian
+ Kaka embung nulung batur
- Da bongan kaka teu jujur
+ Eeeeeh, Nyai ku rewel
- Kaka ge bawel
+ Nyai ngedul
- Bapa melid
x Nimbulkeun kateuamanan…..

Catetan: unggal-unggal pada dikomentaran ku Pa RT
Sarta dina panutup lantaran “suasana” katimbang panas, ku Pa RT dipisah
(ngagunakeun surilit, dina keur “memuncakna” acara)
Acara ka 2 ditutup deui ku komentar Pa RT
-------------------------------------------------
Acara ka 3 nyaeta KRITIK-KRITIK
Pa RT masihan kasempetan ka sing saha anu bade ngaluarkeun kritik
Sadaya hadirin ngacungkeun leungeunna, tanda sadayana gaduh kapentingan
Ku Wakil RT, nu ngacung dicatetkeun, sarta terasna dipasihan kasempetan,sacara giliran

GILIRAN KA 1
Ambu-ambu Pa RT telenges teuing, teu aya rasrasan
Abong kena kanu laip, nyiksa abdi bibilasan
(alok : kaganggu pikiran, inghak-inghakan..)

Teungteuingeun ku bapa abdi ditagih,
Maksa kedah nyumbang, keur nu maot caket bumi
Da abdi mah (masih ngora, kana maot) moal waka
(alok : manehna teh ngora panjang umurna.)

Sareng seueur bahruteng mu langkung penting
Mayar kursus dangsa, ongkos dikreul maen tenis
Ka bioskop jeung p’lesiran
(alok : nyewa mobil sedan geugeuleuyeungan..)

Anu mawi Pa RT sing wening galih
Mugi abdi bebas, ulah aya nu nagih
Taya artos lalangkungan

…………Komentar ti Pa RT………….

GILIRAN KA 2
Eh! Pa RT sok boga talajak angkuh
Waktu hajat rogkah henteu narik henteu nakon
Ka tatangga embung ngondang-ngondang acan
(alok : idangan teu meunang, da teu diondang..)

Nu diondang para juragan nu jauh
Tapi mun tunggara, nu jauh can puguh anjog
Nu nulungan si gembel batur tatangga
…………Komentar ti Pa RT………….

GILIRAN KA 3
Ieu abdi lami ngangres ngenes ku bapa!
Naha bapa kejem jeung telenges jeung judes
Hanas mawa reket, terusna ngan bati bengong
Tuh! Lapang badminton, geuning dipelakan singkong
…………Komentar ti Pa RT………….

Di buruan bapa jalan awon tarahal!
Naha teu diaspal dibeton kurang modal
Bapa oge terang, abdi teh sok tumpak skuter
Tuh! Palebah bapa, tikusruk mani kalenger
…………Komentar ti Pa RT………….

Wengi tadi abdi kantos ceurik ngabangingik
Margi di rorompok pareum listrik korsleting
Bapa teu nulungan, sakitu bapa teh beunghar
Tuh! Rekening listrik ku abdi moal dibayar
…………Komentar ti Pa RT………….

Abdi kantos udur meh sasasih malarindu
Batuk panas tiris jeung ngagetih gering cinta
Bapa teu ngubaran, kalah ka murukusunu
Pek rek dibekenken, yen bapa kumisna palsu
…………Komentar ti Pa RT………….

GILIRAN KA 4

Hayu urang sabeungkeutan, nyusun konsep mosi nu demokratis, Pa RT sina turun, urang sacara integral, usaha legal nyusun ka-teu-panuju, nu berjiwa kolonial, perlu didaulat sakali
.............................................> 4 x 4 –prok – tambah 2 prok carang

Bapa RT jeung actingna, sangat berjiwa lembek pessimistis, resultaatnya tagiwur, provokasi pihak luar, mengintensiveer gerakan kaom catut, ekonomi berantakan, loba lengkah onproductief
............................................> 4 x 4 –prok – tambah 2 prok carang

Mun RT exit ayeuna, aku kan menggantinya tur effectief, aku mengucap syukur, sekaligus perubahan, plan lama konyol aku susun yang baru, stabilliteit akan nampak, dengan re-organisasi…
.............................................> 4 x 4 –prok – tambah 2 prok carang

Pa RT ngahuleng, sarta keur ngomentaran eta pidato, dipasrahkeun ka hadirin

HADIRIN
Ambu-ambu Mang Acu pidato dirungga renggi,
matak teu ngarti
Ambu-ambu Mang Acu pidato hebat, basana pinuh semangat
padahal keur mikat rayat
Ambu-ambu Mang Acu pidato nyieun piheueuh, kabisa euweuh
Ambu-ambu Mang Acu umangkeuh pisan, ngawincik jasa sorangan padahal ngan jijieunan
Ambu-ambu Mang Acu pidato boborot ciduh, abdi mah tunduh
Ambu-ambu Mang Acu pidato aksi, semangat berapi-api, padahal rek ngarah korsi
Ambu-ambu Mang Acu pidato mani ngabudah, ngarah disembah
…………Komentar ti Pa RT………….

Geus tilu minggu- ngahuleng balas mikiran
Nyekel padud- padudan teu dibakoan
Harga roko teu daekun
turun-turun- malah ditaekkeun
harga kretek- roko rakyat merepet
milu ngapung,
duit hese, mulung kuntung
atawa roko daun kawung

Sagala rupa- saniskara kaperluan
Ngukur beas- disaimbangkeun jeung beas
Panghasilan tengah bulan geus koredas
Nganjuk teu kaduga, korupsi teu bisa, mengkek beuteung ngarasula

Bapa RT usaha
Roko brantas hargana
Entong tukang rokona
Tapi sungapanana
Mun roko tetep mahal
Menta kirim padudan
Padud teu weleh payus
Tumbal bahaya kutud


Ku hayang ceurik- nalangsa campur jeung sedih
Balilihan- tugenah sedih jeung peurih
Harga barang mumbul
siga langlayangan- naraek apung-apungan

Gajih tambah- rajeun gajih ditambahan
Peperakan- ngan saukur peperakan
Teu ngimbangan kaperluan
Kahirupan- beuki ningkat kaperluan

Inggis ku bisi- inggis batan maut hinis
Kawalahan- pangharepan beuki ipis
Barang mahal, duit seuseut , kalaparan

Pa RT ngusahakeun
Sangkan barang marurah
Ra’yat mah geus boseneun
Ku jangji nu ngareunah
Keur ngungsi oge seubeuh
Ku singkong reujeunh hui
Mustahil kiwari mah
Rek karandapan deui

…………Komentar ti Pa RT………….
Rapat ditutup ku KIDUNG nu dihaleuangkeun ku Pa RT

Bapa teh bungah kalangkung, bisa ngariung badami
Jeung para mitra sadaya, ngaguar kedaling ati
Dina harti duduluran, rasa ngajadi pamatri

Rapat lir nu gunem catur, kabeungkeut ku rasa asih
Asih ka batur tatangga, sanajan peuheur ngiritik
Tapi ngan ukur lahirna, batinna mah tetep beresih

Muga hasilna kapulung, sarta buahna kapetik
Tina sawala ayeuna, ulah ngan semet badami
Bari teu jeung dilakonan, temahna kaluli-luli

Bisi aya nu kasinggung, ku pangwada jeung kritik
Ulah kurang hampurana, kitu deui bapa wening
Ngahampura ka sakumna, nu geus ngaluarkeun kritik

Hayu urang rempug jukung, pada tatandang sayagi
Nguatan rukun tatangga, tatangga pareng ngahiji
Ngawujudkeun kakuatan, keur hirup dialam lahir

Rapat RT geus lekasan nu tinggal wungkul putusan
Hayu batur sauyunan, ngawujud hiji beungkeutan
Sabeungkeutan jeung tatangga, rukun jeung batur sadesa

Rapat RT geus lekasan nu tinggal wungkul putusan
Rapat pleno di Pa RT geus lekasan
Ngatur konsolidasi, urang singkil gulung tangan sauyunan
Nyipta stabilisasi

Rapat RT geus lekasan nu tinggal wungkul putusan
Rapat di Pa RT sawala tepi ka lungse

Bandung, 18 Desember 1958

SEMPAL GUYON

TUKANG SAYUR
Sayur! Sayur!
Kangkung aya beas aya
Ase cabe make jahe
Lanjung aya panas aya
Bebene midua hate

Sayur! Sayur!
Lauk asin jeung galendo
Nyiksik cabe sumolondo
Matak isin sumolondo
Ditampik rek peureum wae

- Tah tukang sayur datang
+ Mangga geura garaleuhan
- Cing kuring rek balanja
+ Sagala rupa sayaga
- Hayang kangkung jeung lobak
+ Mangga candak
- Kangkung Bandung, Lobak Garut
+ Nu keur pundung sok camerut
- Ey geuning ku celembeng
+ Kapan ngaladenan Eneng
- Ieu artosna
+ Tah sayurna, permios ka sadayana

TUKANG BORONDONG
Borondong…….
Aeh, Borondong garing, ieuh……….
Suuk aya, kacang aya
Mangga ujang garaleuhan

Borondong……..
Aeh, Borondong garing ieuh…..

Kantong kosong hayang ginding
Ngalancong loba kapusing

- Tuh Borondong garing
+ Mangga Eulis garaleuhan
- Teu nyadiakeun cai
+ Wadahna henteu sayagi
- Kuma mun hayang nginum
+ Sumur umum
- Neureuy b’rondong teu dibanjur
+ Na genggerong henteu leyur
- Ah, sieun kabuhulan
+ Sae tinggur pupundakan
- Moal cios
+ Teu sawios permios abdi rek mios
Borondong………………

TUKANG CENDOL
Cendol! Cendol!
Dagang cendol ka Cibabat
Ngadon reureuh ngan sorangan
Dagang cendol ka Cibabat
Ngadon reureuh ngan sorangan
Nya ngagembol nya merekat
Capek rahem “weureu seubeuh”, Ceuceu! Tas kaondangan

Cendol! Cendol!
Dagang cendol ka Kanoman
Meuli rujak di pengkolan
Dagang cendol ka Kanoman
Meuli rujak di pengkolan
Rek norojol rek nemonan
Asa-asa, kurang wedak, Ceuceu! Totorombolan

- Tah tukang cendol datang
+ Mangga keur landong hanaang
- Cendol tong dicaian
+ Atuh siga buburuyan
- Bongan lipstik sok luntur
+ Entong paur
- Ieu lipstik sieun ruksak
+ Nguyup apik jeung calawak
- Ah sieun kabesekan
+ Neureuy ku elak-elakan
- Moal tulus
+ Mending kitu tinimbang jeung kukulutus

TUKANG MIE
Mie! Mie!
Dagang emi dikalengan
Geus kaya rek dirugikeun
Rikrik gemi nyengcelengan
Geus loba dipahugikeun

Mie! Mie!
Dagang emi ka Cikini
Ngadon mondok di Cililin
Teu badami teu pasini
Paamprok nagih maskawin

- Mie! Mie! Cing coba ngawadahan
+ Mangga geura garaleuhan
- Cing entong mahal teuing
+ Mangga mung satengah piring
- Kuma mun hayang seubeuh
+ Campur seureuh
- Emi goreng dua porsi
+ Artos coceng beuteung eusi


- Har geuning emi godog
+ Kapan malar Eneng rewog
- Entong ngunghak
+ Entong nyentak, Mie Goreng teu aya minyak

Bandung, 10 Oktober 1962

RUMAJA RUMAJA

( Naskah Sekar & Gending : NANO. S )

GENDING
Sekelompok Remaja berkumpul di suatu tempat, mereka terbagi dalam kelompok wanita dan pria. Jarak mereka tidak terlalu jauh, sehingga kesan pandang memandang dapat leluasa diantara mereka

1. WANITA
Hay, hay tapi er-er, Hay hay tapi er-er
Aeh…. Ongkoh hayang tapi era

Sono nyongsrong jero dada
Tapi teu aya kawani kalah ka loba gayana
Tapina euweuh buktina
Aeh…. Ongkoh hayang tapi era

2. LAKI-LAKI
Kukak kokok kukak kokok..kok
Keur kongkorongok
Dulak dilak dulak dilak
Duh hate mah nyeblak
Gular gilir gular gilir
Duh beurat ka gigir
Cir gobang gocir
Hayang kataksir

GENDING
Wanita itu mengerti apa yang menjadi isi hati para pemuda, kemudian dengan nyanyian dia ungkapkan hal ihwal cinta

3. WANITA
WANITA (AS)
Cinta lir ibarat kalangkang
Deukeut anggang bias diteang ku urang
Cinta bisa ilang jeung nembongan
Repok jodo akhirna dating sorangan

RS WANITA
Aduh aduh cinta, aduh aduh cinta
AS WANITA
Cinta manjangkeun carita
RS WANITA
Aduh aduh cinta, aduh aduh cinta
AS WANITA
Cinta panjang lalakona

Salah seorang dari kelompok laki-laki merespon apa yang dinyanyikan si wanita, kemudian iapun memberikan pandangannya pula tentang cinta

4. LAKI-LAKI (AS)
Cinta lir ibarat nu geulis
Gerah endah tinawur sewu mamanis
Cinta perlu jalan anu luwes
Sologoto kapakan diancan putus

RS LAKI LAKI
Aduh aduh cinta, aduh aduh cinta
AS LAKI LAKI
Cinta perlu pangorbanan
RS LAKI LAKI
Aduh aduh cinta, aduh aduh cinta
RS LAKI LAKI
Cinta perlu kasadaran

GENDING
Kini wanita itu tersenyum, sebaliknya laki-laki berpikir untuk menarik simpatinya., untuk itu ada seorang laki-laki yang dijadikan bahan olok-olok mereka.

5. LAKI-LAKI
Lamun enya cinta - ta ta ta
Tanya ka jinisna - na na na
Naha make isin - is is is
Is ulah isinan

Lamun arek wakca - ca ca ca
Carita nu hade - de de de
Dedepongan heula
Heu heu heu heu heu heu heuh heuh

Tong isinan, tong borangan
Pek leukeunan masing beunang

Lamun cinta can laksana
Akalan sabisa-bisa
Lamun cinta ditarima
Pakaulan tumpak kuya

Tong isinan, tong borangan
Pek leukeunan, masing beunang

GENDING
Semua laki-laki semakin berani mendekati kelompok wanita, termasuk si laki-laki yang dijadikan bahan olok-olok mereka

6. LAKI-LAKI
Cinta ditarima - ma ma ma
Mawa kueh putu - tu tu tu
Tuluy eleketek - tek tek tek
Tewak lalaunan

Lamun rek nanyaan - an an an
Kudu dinu poek - wek wek wek
Gelehe ngahenen
Heu heu heu heu heu heu heuh heuh

Tong isinan, tong borangan
Pek leukeunan masing beunang

Lamun cinta can laksana
Akalan sabisa-bisa
Lamun cinta ditarima
Pakaulan tumpak kuya

Tong isinan, tong borangan
Pek leukeunan, masing beunang

GENDING
Kedua kelompok remaja itu mulai akrab dan saling melempar pandang dan senyum

SEKAR
7. LAKI-LAKI
Mimitina tina soca – duh aduh aduh aduh
Tumerus eunteupna hate - duh aduh aduh aduh
Utak utek jadi cinta – emh emh
Gandrung micinta dirina

8. WANITA
Saterusna hulang huleng - duh aduh aduh aduh
Mikiran nu dipitineung - duh aduh aduh aduh
Sono nyongsrong hoyong tepang – duh aduh aduh aduh
Hayang panggih jeung manehna

9. LAKI LAKI
Eh… balaka..balaka..balaka…balaka
10. WANITA
Ubarna kudu balaka carana kudu nyarita
11. LAKI LAKI
Eh… balaka..balaka..balaka…balaka
12. WANITA
Cinta mibutuh kawani
Ulah cengeng jeung borangan
Eh… balaka..balaka..balaka…balaka
13. LAKI LAKI
Tembongkeun sifat lalaki
Sebutkeun cinta pertama
14. WANITA
Eh… balaka..balaka..balaka…balaka
15. LAKI LAKI
Urang kudu tahan harga
Jawaban tunggu harita
16. WANITA
Lamun cinta ditarima
17. LAKI LAKI
Pakaulan nyikat gigi
18. WANITA
Mun cinta teu ditarima
Omat ulah cadu mandi
19. LAKI LAKI
Emh…emh..emh

GENDING
Setelah sama-sama akrab maka berpisahlah mereka masing-masing sambil saling membuat perjanjian

Sesuai perjanjian bertemulah para wanita dan para laki-laki, untuk bermalam minggu. Sepasang kekasih bercengkrama di rumahnya.
Bunyi lonceng pukul 22.00

20. WANITA
Kang geura mulih, ieu tos tabuh sapuluh
21. LAKI LAKI
Embohan atuh kapalang dugi kasubuh
22. WANITA
Kang ulah kitu, engke abah osok bendu
23. LAKI LAKI
Mun bendu akang kurungan, terus nyirekem duaan
24. WANITA
Kang anu bageur, punten abdi sanes ngusir
25. LAKI LAKI
Hm..hm..hm..hm.., mun teu ngusir ngiser atuh
26. WANITA
Ey akang ieuh, engke gareuwah ka abah
27. LAKI LAKI
Kalem we ah, abah ge pan anom heula
28. WANITA
Kang…
29. LAKI LAKI
Kah..!
30. WANITA
Sok atuh !
31. LAKI LAKI
Naon?
32. WANITA
Geura mulih
33. LAKI LAKI
Sono keneh
34. WANITA
Akang bageur, akang sayang, akang lucu..geura mulih
35. LAKI LAKI
Euh…waktosna seep

GENDING
Adegan perpisahan anatara kelompok laki-laki dan wanita
36. RAMPAK SEKAR
Bulan cahayaaan nyorot kaburuan
Urang duaan papisah di pakarangan

Wengi katineung pinuh kaendahan
Rema panangan patuyun nyantel kaheman

Reket panto nutupkeun kasono
Semplek imut kareueut nganteur lengkah pamitan
Wilujeng wengi …panutan

Angin peuting dalingding kakangen
Nyandang aweuhan cinta nyanding talining batin
Wilujeng wengi……panutan

Bandung 27 Nopember 1996

PAHLAWAN SAMUDARA

MANG KOKO

GENDING
RAMPAK
Samudra
KAPTEN
Naskah miwah Gending
RAMPAK
Mang Koko
KAPTEN
Drama miwah Acting
RAMPAK
Kos Warnika
KAPTEN
Pagelaran
RAMPAK
Komedi
KAPTEN
Scenario
RAMPAK
Fantasi
KAPTEN
Mangga gogonjakan sareng matros
RAMPAK
SMKI

ADEGAN 1
MATROS-MATROS MASUK PENTAS DENGAN LANGKAH DAN GERAK SEIRAMA GENDING

LAGU
MATROS-MATROS
Pahlawan Samudra Binekas Digjaya
Ngagem pancen mulya balayar ngambah sagara
Teu lewang haringhang ngangkleung tegang kadang
Sikeup teuneung ludeung nempuh ombak nu rohaka

Hampang himping miang pantrang honcewang
Nyebrang anggang teu ringrang lewang di sorang
Wanda nu micinta samudra
Ombak ngeumbing dipandang panyinglar brangta

Langit lenglang bentang baranang
Angin rintih bulan caang
Ringkang hampang keur pahlawan samudra
Ngumbar cipta ngareka rasa gumbira

Rambatirata rambatirata rambatirata
Rampak ragem rereongan

GENDING
ADEGAN 2
KAPTEN DATANG SAMBIL MEMERIKSA MATROS MATROS DAN IKUT BERGABUNG

LAGU
KAPTEN
Pahlawan Samudra
MATROS
Siap
KAPTEN
Binekas digjaya
MATROS
Bagja
KAPTEN
Ngemban pancen mulya balayar ngambah sagara ( ga ga ga ra …Hip ho )
Teu lewang haringhang
MATROS
Bingbang
KAPTEN
Ngangkleung tegang kadang
MATROS
Hampang
KAPTEN
Sikep teunenung ludeung nempuh ombak nu rohaka
(ha ha ha ka )

KAPTEN
Hampang himping
MATROS
Tebih ti kulawarga
KAPTEN
Tapi poma waspada kana gogoda
MATROS
Abdi taat satia
KAPTEN
Awas cunduk ka palabuan
MATROS
Pada gaduh acara sewang-sewangan
KAPTEN
Pacuan poho kulawarga
MATROS
Meungpeung tebih suka-suka
KAPTEN
Ringkang hampang
MATROS
Peuting di tabur bentang
Hayu pada galumbira senang-senang

MATROS
Pahlawan Samudra binekas digjaya
Ngemban pancen mulya balayar ngambah sagara
Teu lewang haringhang ngangkleung tegang kadang
Sikep teuneung ludeung nempuh ombak nu rohaka

GENDING
ADEGAN 3
KAPTEN PERGI NAMUN TIDAK LAMA DATANG LAGI UNTUK MENYAMPAIKAN BERITA KEPADA MATROS MATROS

LAGU
KAPTEN
Perhatian untuk segenap kelasi
Kapal kita menuju laut yang keji
Penuh dengan bahya dan malapetaka
Semua waspada bekerja berhati-hati

Menghadapi cuaca yang tidak tenang
Angin topan pasti segera mendatang
Ombak halilintar kita jangan gentar
Ke masing-masing pos bersiap untuk berjuang

MATROS
Iklas rela ngorbankeun tanaga
Nebus tugas bebela satia

KAPTEN
Tak lupa bahaya yang harus dihindarkan
Sebentar tertuju laut Hindia Selatan

MATROS
Soson soson sumeja babakti
Prentah kapten diturut gumati

KAPTEN
Segera menjaga membela keselamatan
Mengarungi laut yang penuh bahaya topan

GENDING
ADEGAN 4
KAPTEN PERGI MENINGGALKAN MATROS-MATROS, MEREKA MERAGUKAN KABAR YANG DISAMPAIKAN KAPTEN

LAGU
MATROS 1
Pajar rek datang topan piraku
MATROS MATROS
Ha ha ha ha
MATROS 2
Sumedeng caang bulan mustahil
MATROS MATROS
Ha ha ha ha

MATROS 3
Bohong bohong sangkan bangreung haringhang
Tong lewang salempang mending ge senang-senang

MATROS MATROS
Pahlawan Samudra binekas digjaya
Ngemban pancen mulya balayar ngambah sagara
Teu lewang haringhang ngangkleung tegang kadang
Sikep teuneung ludeung nempuh ombak nu rohaka

Ngangkleung (ngangkleung daweung teuneung ludeung)
Gedong sigrong tengah laut (ngambang)
Seger hegar pangeusina (senang)
Sempal guyon gogonjakan (Tarik jangkar beber layar hegar kelar)

Ngangkleung (ngangkleung daweung teuneung ludeung)
Kaombak-ombak di laut (bersih)
Kagasir-gasir ku angin (rintih)
Halon jongjon kapal jalan

Kapal ngambah jaladri juru mudi taliti
Ati-ati taliti pantrang bingbang
Pareng hujan silantang pareng ombak ngahadang
Angin topan narajang kapal goyang
(ngangkleung daweung teuneung ludeung ngambang nganclang teu ringrang, Deuh…)
Diayun-ayun ku ombak ayem
Dieyong-eyong ku angin, temtrem
Kapal moyeg lalaunan

GENDING
ADEGAN 5
TIBA TIBA TERDENGAR BUNYI PETIR LALU DATANG ANGIN TOPAN DAN HUJAN LEBAT, MATROS PANIK MENYELAMATKAN DIRI SENDIRI DAN BARANG-BARANG PRIBADI. SETELAH AGAK REDA KAPTEN DATANG MELIHAT DENGAN GERAM KEPADA MATROS MATROS YANG LEBIH MEMENTINGKAN DIRI SENDIRI. KAPTEN MARAH SEKALI

LAGU
KAPTEN
Hey marisini you pengecut
MATROS 1,2
Siap
KAPTEN
Kamu ini tidak mengindahkan printah
Instruksiku dibuang seperti sampah
Hingga aku berpendapat
Pasti kamu dapat onslah tidak hormat

MATROS 1,2
Abdi isin sareng inggis
KAPTEN
Ah ssadap pura-pura mau nangis
MATROS 1,2
Abdi abdi abdi kasima
Ninggal ninggal ninggal bahaya
Keur tagiwur lumpat sakalumpat lampet
Ninggal barang patulayah paburaset
Banda abdi ti pun Nini
Dibuntel ku dasi rek dibawa ngungsi

KAPTEN
Hey mari sini you penjilat
MATROS 3,4
Siap
KAPTEN
Kamu kerja seperti tidak digajih
Utang kamu tidak pernah aku tagih
Disiplinmu tak terlihat
Pangkat kamu diturunkan dua tingkat

MATROS 3,4
Neda agung sihak sami
Ah ssadap kamu rewel banyak jangji
Emut emut kana babandan
Ieu ieu koper pakean
Koper abdi sok inggis henteu kapuluk
Eusi metet ku panganggo kenging nganjuk
Topan kejem kapal karem
Ieu koper pakean tiasa katulungan

KAPTEN
Hey mari sini you penghianat
MATROS 5,6
Siap
KAPTEN
Kamu sumpah akan disiplin selalu
Kamu nipu menjual sumpah yang palsu
Ombak reda baru muncul
Ingat nanti macam kamu aku ritool

MATROS 5,6
Aduh ampun nampi lepat
Ach ssadap memang kamu ahli jilat
Banda banda banda nu abdi
Ieu ieu wungkul kacapi
Kapan abdi kawentar pasinden ulung
Ngagaduhan kacapi kenging pupulung
Laut motah abdi pasrah
Batur kekesangan abdi kakawihan

KAPTEN
Hey just come here you pemberontak
MATROS 7,8
Siap
KAPTEN
Kamu kerja seperti dirumah saja
Kamu anggap aku seperti mitoha
Waktu tugas kamu lari
Sibuk ngatur kekayaanmu sendiri

MATROS 7,8
Neda jembar pangampura
KAPTEN
Ach ssadap aku bosan mendengarnya
MATROS 7,8
Nyungkeun nyungkeun hapunten
Abdi abdi lapar teu kinten
Nyanyautan nyeri huntu ti kamari
Katedaan disimpen dina pipiti
Dongkap topan abdi rempan
Emut beuteung lapar maksad bade dahar

GENDING
ADEGAN 6
KAPTEN PERGI MENINGGALKAN MATROS SAMBIL BERSUNGUT-SUNGUT, MATROS-MATROS MENUNDUK DAN WAJAH MEREKA SEDIH RASANYA INGIN PULANG

LAGU
MATROS 1
Yu rang kabur
MATROS MATROS
Ah sieun paeh ti kecebur
MATROS 2
Mending pundung sakalian
MATROS MATROS
Da moal aya nu ngupahan
MATROS 3
Urang mogog tong dahar
MATROS MATROS
Sieun leuleus beuteung lapar
MATROS 4
Kapten rempug ku kabeh
MATROS MATROS
Dina gelut sieun eleh

MATROS MATROS
Kaduhung nungtun wuyung
(kapahung ngahurun balung katulang kapegung)
Rek pundung kapegung kaduhung wuwuh bingung
(kaduhung nguyung dikepung kabingung kapahung)

MATROS 5
Rek balik balik kamana da puguh tengah sagara
Rek menta menta ka saha da puguh euweuh baraya


GENDING
ADEGAN 7
KAPTEN DATANG, MATROS MATROS SIAP MENGATUR BARISAN UNTUK MENDENGARKAN PERINTAH KAPTEN

LAGU
KAPTEN
Perhatian bagi kamu sekalian
Kita sampai di laut yang tidak aman
Penuh bajak laut bikin kalang kabut
Mereka merampok dan merampas kekayaan

Bajak laut tak kenal prikemanusiaan
Yang melawan di gasak habis-habisan
Bersikap waspada peganglah senjata
Bersiap sedia menghadapi pertempuran

MATROS MATROS
Ati ati sayagi tarapti
Teuneung ludeung bebela gumati

KAPTEN
Perhatian, peringatan jangan mempermainkan
MATROS MATROS
Ti kapungkur oge abdi mah sok bibilasan
KAPTEN
Ati ati saliring dumadi
MATROS MATROS
Sepak terjang ka bapa gumati
KAPTEN
Penipu, pembohong tabiatmu selalu
Ayeuna mah insyap parentah bade digugu

GENDING
ADEGAN 8
KAPTEN PERGI MEMPERSIAPKAN DIRI, MATROS MATROS PURA PURA BERSIAP-SIAP TAPI SEPERTI BIASA MEREKA TIDAK MEMPERCAYAI BERITA YANG DISAMPAIKAN KAPTEN

LAGU

MATROS 1

Bajak laut rek nyerbu piraku
MATROS MATROS

Ha ha ha
MATROS 2

Henteu perlu digugu sok nipu
MATROS MATROS

Heu heu heuy deuh
MATROS 3

Bohong bohong sangkan bangreung haringhang
MATROS 4

Tong lewang salempang
Mending ge senang-senang
MATROS MATROS
Pahlawan Samudra binekas digjaya
Ngemban pancen mulya balayar ngambah sagara
Teu lewang haringhang ngangkleung tegang kadang
Sikep teuneung ludeung nempuh ombak nu rohaka

GENDING
ADEGAN 9
BAJAK LAUT DATANG DAN MENGANCAM MATROS MATROS DENGAN GOLOK DAN PISAU. MATROS MATROS KETAKUTAN

LAGU
BAJAK LAUT
Untung kita sekarang
Tuh numpuk barang-barang
Yang menjaganya mojang
Mojang mata keranjang .. jihoy


Mojang ayu dan manis
Lirik mata romantis
Nampak sangat meringgis
Sebentar lagi nangis…..wow

Mari kita bergerak
Angkut barang serentak
Yang melawan berontak
Kita tembak dan gasak,..hands up

GENDING
ADEGAN 10
SEMUA BARANG YANG ADA DIANGKUT OLEH BAJAK LAUT NAMUN TIDAK TERBAWA SEMUA KARENA SALAH SEORANG BAJAK LAUT MEMEGANG SENJATA PISTOL YANG DITODONGKAN KE MATROS MATROS.

LAGU

MATROS 1
Na ieu teu dibawa bet poho
BAJAK LAUT
Lebih dari maksimum
MATROS 1
Padahal masih bisa ngan bodo
BAJAK LAUT
Akalna kumahakeun
MATROS 1
Eta pestol tong dicecekel bae
Titipkeun ka kuring anggap barang pihape

GENDING
ADEGAN 11
BAJAK LAUT BERPIKIR DAN MEMPERTIMBANGKAN SARAN YANG DIKEMUKAKAN MATROS-MATROS

LAGU

MATROS MATROS
Tong lila-lila mikir sing pangger
BAJAK LAUT
Kan masih kalang kabut
MATROS MATROS
Piraku teu kapikir pan pinter
BAJAK LAUT 1
Boleh deh aku turut
Ini pistol kutitipkan padamu
Tuh barang berharga kini jadi milikku

MATROS MATROS
Hey tunda babawaan gerak
Tong ngalawan kuriak engke ditembak
Hey balik kanan gerak
Kulit lestreng beungeutna miyuni ruhak

Satu dua tiga ngaku jadi jalma
Rucah jeung awuntah tabeat lir euwah euwah
Satu dua tiga pantes ka patutna
Babadog rarampog modalna pestol jeung bedog

GENDING
ADEGAN 12
BAJAK LAUT KETAKUTAN, APALAGI SEMUA SENJATA TELAH DIRAMPAS OLEH MATROS MATROS

LAGU
MATROS MATROS
Siap terus jongkok gerak
Bari nagog leungeuna dikahareupkeun
Siap maju jalan gerak
Tu dua geura mantog sing jauh moal deudeupeun

GENDING PANUTUP

NAGARA TOJAIAH

NANO. S

GENDING :
Sakabeh rahayat jeung pajabat nagara Tojaiah geus karumpul ngariung ngadagoan datangna raja jeung prameswarina rek ngayakeun gempungan. Dayang-dayang gareulis atuh para prajuritna oge karasep jeung taregep kaasup rahayatna make pakean sing sarwa ginding.

LAGU

RAMPAK
Nagara Tojaiah nagara urang
Gilang gumilang cenah ceuk urang
Nagara Tojaiah nagara urang
Rajana agung agung ceuk urang

GENDING
Raja jeung prameswari datang kadinya dipayungan ku payung agung ku sorangan, sakabeh nu aya meureupkeun leungeuna ti dituna mah ngahormat ka raja.

RAMPAK
Nagara Tojaiah nagara urang
Gilang gumilang cenah ceuk urang
Nagara Tojaiah nagara urang
Rajana agung agung ceuk urang

Eeeeeeeeeee
Brang breng brong musikna
Cad aced igelna……………………

Brat bret brot basana………….
Cururut huap-huap
Cururut huap-huap
Cururut huap
Huap cururut
kabudayaan

GENDING
Candoli buru-buru nyiapkeun dahareun jeung inumanana pikeun raja jeung sakumna nu aya, memeh dikarajakeun ditinggalikeun kanu araya.

RAMPAK

Raja nu agung……..
Nyanggakeun ieu tuangeun
Kenging moe dinu hieum
Campur endog kacingcalang
Mangga-mangga raosna kabina-bina
Hasiatna tangtos beuteung bungkiang

Raja nu agung……….
Nyanggakeun ieu inuman
Cai peuyeum endog buruk
Dicampuran oray kadut
Mangga-mangga raosna kabina-bina
Hasiatna landong biwir barusuh
RAJA
Bagus, bagus rasana pasti pulen
Kumaha Tih
PATIH
Bagus, bagus rasanya pasti adem
Nya euy
JAKSA
Heueuh, heueuh
Ditanggung moal mencret
RAJA
Bagus, bagus jawabna pada bagus
Kumaha ceuk nyai
PRAMESWARI
Hah… iyey….iyey…
Mani kabita upami aya keneh
RAJA
Mangga teraskeun
Bocokok…bocokok
Ke dipasihan upami aya keneh

GENDING
Jaksa hulang huleng, rumasa can ditanya ku raja, asa disapirakeun, katinggali ku raja tuluy disampeurkeun.

RAJA
Aya naon jaksa siga teu damang
JAKSA
Panyana tek arek nanya
Boro siap pakai Nun
RAJA
Hah…abdi mah sanes Nun… euy
JAKSA
Enya nyaho
Nu leres atuh euy
Muhun si muhun
RAJA
Bagus, bagus jawabnya tidak bagus
Nya Tih
PATIH
Heueuh, heueuh jawabna rada monyong.. nya euy

GENDING
Prameswari elekekeng siga nu nyeri beuteung, meureun loba teuing barangdahar, raja surti turun marentah ka ajudanana

RAJA
Judan……. Judan
Gancang tulungan
Underground euy, underground euy
Make cuap-cuap
Kade poho cururutna

GENDING
Prameswari jeung para dayang ngengklak nu teu sawirahma jeung gending, raja keprok sugema ninggali pamajikanana hegar deui, nu sejen ngengklokan bari ngalagu.

RAMPAK
Cururut..cururut beurit
Huap-huap beurat ka handap
Ba ba bakekok kok kok bocokok
Menyon, menyon, monyong
Ee….. cururut beurit diadu-adu
Cay cay ngacay
Gunjang-ganjing gunjang ganjing
Gunjang-ganjing guncang ganjing


GENDING
Keur jongjon ngarengklak, datang prajurit mawa tawanan, nu araya kaget asa kagareuwahkeun

PRAJURIT
Bawa kadieu
Gerak

Nu ieu pangawal
Nu ieu tahanan
Manehna ditahan
Sabab ngarempak aturan

Kaopat diuk luhureun batu
Katilu loba babacaan
Kadua anti narkotik
Kahiji loba amal
Laporan mimiti, kiri turun, maju

RAJA
Parantos
PRAJURIT
Heueuh

GENDING
Ngarasa aneh ninggali tawanan, sakur nu aya olohok, tapi aya oge nu wani ngadeukeutan bari noelan.

Jaksa mariksa, tuluy manggihan pestol nu dibawa ku Bo’im, ditinggali teu lila pestol disada, nu aya hayang ngajaran ditembak


RAJA
Jaksa………. ( sa sa sa sa sa )
Nurutkeun iloan kula… (nas)
Ieu jalmi matak baha….(gia)
Margi tiasa cila…(ki)
Bilih bahaya ka u…(cing)
JAKSA
Bagus, bagus aku dapat proyek

RAJA
Tapi inget
Margi ieu urang asing
Hirup teu sami jeung urang
Anu mana…sakumaha..mariksana
Sayaga sadayana…
Ngarti
JAKSA
Nyaho
RAJA
Patih
PATIH
Peot

Patih oge geuning peot
Guyat gayot sosorodot
Sarnud…Edi…Argo…Goler…..nunangnaningnangnuninang
Hahahahahahah

RAMPAK
Poe naas………. (poe naon)
Poe Senen………(ngahareren)
Poe sial…………(bararengal)
Poe kacrut………(mararuncut)


Sing jauh ti bebeneran
Sing anggang ti karukunan
Pok torolong gancang ngomong
Sing ngaku nu saestu

Puas puas sing puas
Hempek hempek sing senang

JAKSA
Saha ngaran ?
BOIM
Bo’im
JAKSA
Hah…saha ?
BOIM
Bo’im !
JAKSA
Bo’im…hahahaha
Yeuh bisi hayang nyaho
Bo’im teh didieu mah kieu
Hacih…..hacih….
Tah eta bo’im

JAKSA
Anjeun rumasa kana kasalahan
BOIM
Henteu
JAKSA
Yeuh anjeun teh boga sababaraha kasalahan
Nu rek dijelaskeun ayeuna
Kaopat naon sababna
Anjeun tara ngalakonan korupsi
BOIM
Sabab korupsi gawe hina reujeung jahat
JAKSA
Salah
10 % keur sia

Yeuh korupsi teh
Hade keur naratas jalan beunghar
Yeuh korupsi teh
Aturan anu perlu dilakonan
PRAMESWARI
Enya, enya salaki uing ge kitu
Ku uing dihatean sina daek nyeleweng
Mere conto kabawahan
Korupsi teh mawa jalan kabeungharan
Nya A….
RAJA
Iye …deh
BOIM
Teu bisa

JAKSA
Kadua naon sababna anjeun tara ganja jeung narkotik
BOIM
Sabab ngabahayakeun jiwa
JAKSA
Ngaco maneh mah
Yeuh ganJa jeung narkotik perlu jaba nimat
Nganteurkeun urang ka sawarga rasa
Gawe kabebasan pinuh kasenangan
Bodo maneh mah teu beuki ectasy

PRAMESWARI
Enya enya teu nyaho nu pelem
Salaki uing oge ayeuna mah sok nyobaan
Terus deudeuieun, terus menta deui
Nya untung di nagara jadi loba narkoba
Nya A….
RAJA
Iya dong.. teler .. teler
BOIM
Naon harti kabebasan mun mawa kasangsaraan
Naon harti kabebasan mun diri taya hargaan

JAKSA
Nu taya hargaan teh nu sok ripuh gawe
Ngagugulung harga diri balangsak unggal poe
Tapi ganja narkotik nengtremkeun tingtrim hate
Kalayang-kalayang widadari ngajak sare

BOIM
Kabebasan lahir ku jalan nu salah
Eta geus mengkolkeun tina bebeneran

JAKSA
Eeeeee naha bangsa anjeun geus bener bener bener
Parebut bebeneran ngorbankeun nu lian
Bener ukur simbul sangkan meunang kapercayaan
Marebutkeun bener make jalan peperangan

BOIM
Marebutkeun bener satemenna perang
Perang jeung kasarakahan, perang reujeung kadoliman

JAKSA
Dolim
Kueh dolim dibabawa
Didieu mah kueh dolim
Dicitak diemple-emple

BOIM
Ngabela bebeneran museurna dina diri
Perang jeung napsu sorangan

JAKSA
Di dieu salahna anjeun
Geus puguh bener teh hese
Dikotektak unggal poe……..
Coba ku jalan serong
Nu sejen ge sugih uang
Kebonna, ucingna, euy nambru

PRAMESWARI
Salaki uing oge
Boga inten tilu kintal
Eta teh usul uing
Meungpeung jeneng

MANTRI
Turutan uing
Boga sayang papatong, hiung…hiung…
Gonjang ganjing
BOIM
Teu bisa

JAKSA
Kadua naon sababna
Waktu proyek geus lekasan
Ngabagi-bagi rejeki utamana keur bawahan

BOIM
Satemenna gawe kuring teu sorangan
Wajar jeung meujeuhna mun maranehna kabagean

JAKSA
Anjeun teu sadar geus mengkolkeun bener
Nu tadi digawe tanpa pamrih
Ayeuna mah…miharep buruh leuwih
Sabab nyaho anjeun mah leuwih ti kitu

PRAMESWARI
Salaki uing oge mun aya kauntungan
Tara dibagi-bagi
Masuk kantong

MANTRI
Ieu uing turutan, bojona saaleutan
Dulurna, lemburna
Kacukupan

BOIM
Ngumpulkeun harta kakayaan
Ladang meres kesang jalma leutik
Teu luyu jeun kamanusaan

JAKSA
Tapi justru..
Orang yang seperti itulah
Yang pasti bahagia hidupnya

RAJA
Aing contona
PRAMESWARI
Nyai peloporna

BOIM
Bener ceuk kuring can tangtu bener ceuk anjeun
MANTRI
Eeee mengapa terdesak

JAKSA
Jadi ceuk rasa anjeun
Ngabagi rejeki kaasup gawe nu hade
BOIM
Enya
JAKSA
Bodo maneh mah
Coba mun dihakan ku sorangan
Pan senang cara kuring


GENDING
Nu araya sarurak asa meunan, nepakan jaksa, sasalaman ka Bo’im

JAKSA
Ayeuna soal kahiji
Naon sababna anjeun sok gegerenyeman
Siga nu gelo
Babacaan ti subuh nepi ka peuting
Siga teu eling

BOIM
Astaghfirullaahal’azhim
Nyebat asma agung Allah Akbar
Nu ngusik-malikeun sakumna mahluk
Allah Akbar

RAMPAK
Geus geus gandeng
Lagu nanahaon tateh

BOIM
Astaghfirullaahal’azhim
Allah nu agung
Hirup hurip abdi aya mung Allah anu kagungan
Allah Akbar

RAMPAK
Geus geus gandeng gandeng
Sia mah ngageroan nu teu puguh
Naon harti nyebut nu euweuh buktina
Digeroan unggal poe bari tara datang-datang

BOIM
Astaghfirullaahal’azhim
Astaghfirullaahal’azhim
Bissmillaahir rahmaanir rahiim
Laa haula wa laa quwwata illa billahil’aliyil.’azhiim
Rabbi najjinii minal qaumizh zhaalimiin

GENDING
SAKABEH EUSI KARAJAAN “NAGARA TOJAIAH” NGARASA PANAS JEUNG TEU KUAT NYANGHAREUPAN BO’IM, ANU TUNGTUNGNA KABEH TEU DAYA TEU UPAYA, NGAGALOLER MALAH NEPI KA HANTEUNA.


Dikorehan deui tina naskah taun 1982
Bandung, September 2000
KW

BANTROK

Nano. S

GENDING BUBUKA ……………
( GENDING 1 )
Sababaraha urang pamuda asup ka pentas bari ngawihkeun lagu “Langit Biru”, dangdanan ilahar pamuda ayeuna anu rek malem mingguan seja “wakuncar atawa apel”

RAMPAK SEKAR PAMUDA
Langit biru, malam Minggu
Acara nu geus tangtu
Apel

Saptu sore, bungah hate
Satia ka kakasih
Apel

A.S. PAMUDA
Kacipta imutna, waktu ririh muka panto
Kacipta manisna, waktu ngobrol ngaler ngidul

RAMPAK SEKAR PAMUDA
Luak-lieuk meungpeung simpe
Rek ngarendeng asa-asa

A.S. PAMUDA
Aya Abah . . ., Aya Abah

RAMPAK SEKAR PAMUDA
Langit biru, malam Minggu
Acara nu geus tangtu
Apel

GENDING 2 ……………………………
Salah saurang Pamuda memeres dangdananana dibantuan ku nu sejena, disusurup ngarah pantes bari dipapatahan

RAMPAK SEKAR PAMUDA
Golepna, golepna
A.S. PAMUDA
Diminyakan campur salep
Biar lengket tambah cakep

RAMPAK SEKAR PAMUDA
Diwedak, diwedak
A.S. PAMUDA
Wedak campur odorono
Biar wangi segalanya

RAMPAK SEKAR PAMUDA
Kancingkeun, kancingkeun
A.S. PAMUDA
Biar dada kelihatan
Tambah keren tambah jantan

RAMPAK SEKAR PAMUDA
Babacaan, babacaan
A.S. PAMUDA
Buat apa babacaan
Tiap baca koran

RAMPAK SEKAR PAMUDA
Babawaan, babawaan
A.S. PAMUDA
Buat apa babawaan
Nanti juga disuguhan

GENDING 3 ……………………………
Para Pamuda kaluar ti pentas indit sewang-sewangan rek muru panutanana masing-masing.
Di tempat sejen jang Adun keur ngagugulung potret nu dipiguraan, sakapeung diteuteup tuluy ditatangkeup. Keur kitu katangeneun ku rombongan mojang nu karek mulang ti masjid, tuluy ngaheureuyan jang Adun.

RAMPAK SEKAR MOJANG
Potret manehna, nu katampa minggu kamari
Dopiguraan, disimpen di hade-hade

Anteng diteuteup, jadi batur dina simpe
Aduh endahna, mapaesan taman hate
JANG ADUN
Potret manehna, potret manehna
Ditilik disidik-sidik, diteuteup dibulak-balik
Ku manis bae

Potret manehna, potret manehna
Socana, imutna, teuteupna, sagalana
Ngan keur kuring bae

RAMPAK SEKAR MOJANG
Potret manehna, wawakil jirim jinisna
Tanda satia, ngarah kangen salilana

Matri hiji, dina ati
Gambar diri jadi bukti
Najan anggang langka tepang
Potret anu digugulung
Potret manehna

GENDING 4 ……………………………
Jang Adun ninggali jam tangan, tuluy gura-giru rurusuhan dangdan saperluna, ku para mojang ditaranya

RAMPAK SEKAR MOJANG
Jang Adun, bendona kamana?
JANG ADUN
Euleuh yaktos hilap, dianggo nuruban sangu
Jang Adun, tarumpahna kamana?

RAMPAK SEKAR MOJANG
Jang Adun, tarumpahna kamana?
JANG ADUN
Euleuh yaktos hilap, dianggo maledog anzing

RAMPAK SEKAR MOJANG
Jang Adun, kumisna kamana?
JANG ADUN
Euleuh yaktos hilap, dianggo sisig ku ema

RAMPAK SEKAR MOJANG
Jang Adun, kerisna kamana?

JANG ADUN
Euleuh yaktos hilap, dianggo meulahan suluh

RAMPAK SEKAR MOJANG
Jang Adun, kumaha ujang damang?
JANG ADUN
Euleuh yaktos hilap, pan abdi teh rada…..
RAMPAK SEKAR MOJANG
Damang (bari tinglaleos nyeungseurikeun jang Adun)

JANG ADUN
Ema,…. Ema……
Adun bade mios ka garduh

Ema… Ema…
Adun bade manggung, di kelenteng

MA ADUN
Aya naon ujang ngageroan Ema.
Euleuh.. mani jiga bapana, nu aya keneh dikieuna
Rek kamana ujang the, rek ka Disco, rek ka Cape
Heueuh sukur ari aya kamajuan mah
Peupeuriheun Ema
Bareto ka night club teh teu sirikna ampir unggal subuh

JANG ADUN
Emaku tersayang….
Adun neda piduana
Rehna cunduk kana waktu, ninggang kana mangsa
Kaleresan nitih poe Saptu kaliwon
Bulan kolot sareng pihujaneun
Anu mana tiasa berimprovisasi dan berkreasi dina kawengianana
Maka teu aya sanes,
Adun ayeuna bade apel jungjunan

MA ADUN
Jung diandung pangestu ku mother
Mugi-mugi dina sajeroning apel, Adun tiasa napel

JANG ADUN
Nuhun mother, nuhun..
Nanging supados ulah deudeupeun
Adun teh bade wangsul subuh bae
Mugi mother masihan widi

MA ADUN
Soal apel ku Ema diidinan, bral geura tandang

JANG ADUN
Saupami kitu, sanes kirang sono
Oge bilih nyangkolong kana waktos
Seja pamit mundur

MA ADUN
Bral diandung pangestu

GENDING 5 ……………………………
Jang Adun kaluar pentas, kitu deui Ma Adun.
Ujang asup ka pentas bari surungah serengeh ka unggal jalma nu aya didinya, pasarandog jeung rombongan mojang jeung bujang nu papasangan.

RAMPAK SEKAR
Hey nu rek apel sura seuri
UJANG
Naon?

RAMPAK SEKAR
Hey nu rek apel bangun sieun
UJANG
Henteu!

RAMPAK SEKAR
Enggal, enggal ulah hilap cacandakan
Widadari tos ngantosan, tos nyiapkeun leueuteun
Tuangeun kanggo duaan

Enggal, enggal, ulah hilap cacandakan
Oleh-oleh buah ngora, ulah hilap bako tampang

Enggal, enggal, bilih sonten kaburitan
Bilih ditodong dijalan, bilih sumping langlayeuseun

UJANG
Moal, moal, abdi oge kinten-kinten
Apel moal barangasan, paling-paling jaipongan

RAMPAK SEKAR
Sae, sae, eta hartosna pamuda
Pamuda sareng pamudi, nu aya di alas roban

UJANG
Nuhun, nuhun, abdi atos dielingan
Mugi apel abdi sukses, henteu nguyung ari mulang

RAMPAK SEKAR
Mangga, mangga wilujeng nu bade ngungsi
Kade digerebeg Hansip, nyandak surat katerangan

GENDING 6 ……………………………
Ujang tatan-tatan rek indit, tapi samemehna “ngaDISCO” heula, dibobotohan kunu araya

RAMPAK SEKAR
Malam Minggu ….
Malam apel, apel, apel, apel, apel
Dunya rumaja, bercinta

Malam Minggu….
Malam panjang, panjang, panjang, panjang, panjang
Dunya rumaja, brang breng brong

UJANG
Lalalalalalalalalalalalala
Nang nunang naning nang nu ninang

RAMPAK SEKAR
Dut..dut..dut..dangdut, ko..ko..ko.. Disco
Dutdutdutdut Dangdut, kokoko Disco
Malam Minggu ………

GENDING 7 ……………………………
Ujang kaluar Pentas.
Ditengah “perjalanan” tilu pamuda (Pamuda, Ujang, Adun) papanggih tuluy ngarobrol

PAMUDA
Hey bung!, coba pinjam rokonya
ADUN
Sakalian bae atuh jeung pangenyotna
PAMUDA
Nu mawi nembe diservis
Janten teu tiasa dianggo sambarangan
……………………………………
Hey, ngomong-ngomong
Bade kamana beliau teh
Hebat mani ginding kitu
Sareng seungit odorono
ADUN
Ah henteu…. Bade kadinya
Ka bumina pa Ibro
PAMUDA
Apa beliau bilang, pa Ibro
Siapa sih pa Ibro itu?
ADUN
Oh pa Ibro….. Wargiiiii
PAMUDA
Alhamdulillah
ADUN
Geuning… nganggo renghap ranjug sagala
PAMUDA
Ah engga… kita juga sama-sama wargiiiii

UJANG
(Si Ujang ngaliwat kahareupeun nu keur ngobrol)
Punten aden, ngiring ngalangkung
PAMUDA
Hey! Bade kamana rurusuhan?
UJANG
Nuhun aden enggal ditaros
Anu mawi leumpang peuting
Seja nyusur bentang di langit anu baranang
Kaleresan panon poe tunggang gunung
Hurung mancur kadia kunang-kunangan
Mancur kadia air mancur…
Atuh salajengna seja nyusul tepus
Napak tilas lalampahan sababaraha abad katukang
Sapertos kauninga apan… Adam sareng Hawa sparantos nuang buah simalakama teras ngoprot kesang
Mangkaning harita teu acan aya PPO . . . . . .
PAMUDA
Eiit, … Boy nanti dulu…
Soalnya… si.. si… kon, belum menguntungkan
ADUN
Dan lagi, simpul punya simpul
Andika teh urang mana nu ti mana, jeung rek kamana
Pok pek jawab
UJANG
Bade kadinya aden, bade kawargi
Mangga atuh (euleuh-euleuh)
Dilangkungan (euleuh-euleuh)


GENDING 8 ……………………………
Di imah pa Ibro keur julang jeleng ninggali kalakuan anakna (Neng Jimi), sabab pa Ibro geus apal lamun malem Minggu sok datang semah ka anakna rek ngapelan.

PA IBRO
Boga anak awewe sasiki
Tapi bandel leuwih ti lalaki

Kahayangna teu beunang dipungpang
Keukeuh pageuh keras gurat batu
Paribasa hirup meungpeung ngora
Hayang bebas lalugina

Ari kolot mikir enggeus lain
Bakat nyaah mikaheman
Inggis kitu inggis kieu
Tapi anak teu beunang dicarek

Rek dicarek da puguh awewe
Can nanaon enggeus luwa lewe
Katambahan ku sipat indungna
Sok ngahalang mangmeunangkeun bae

RAMPAK GROUP
Pusing, pusing, pusing, pusing

PA IBRO
Unggal poe jadi rungsing
Ngadak-ngadak darah tinggi
RAMPAK GROUP
Keuheul, keuheul, keuheul, keuheul
PA IBRO
Aduh bati handeueul

GENDING 9
Pa Ibro kaluar pentas bari jamedud, pasarandog jeung pamajikanana (bu Ibro) anu keur gumbira pedah anakna geus boga kabogoh..

BU IBRO
Aduh-aduh bungah teuing hate
Si nyai teh geuning geus gede
Aduh-aduh bungah teuing hate
Si nyai teh duh rupana hade

Nu mahugi, nu mahugi, kabeh totomplokan
Anu mawa roko, anu mawa baso
Unggal poe daratang nu mikahayang

RAMPAK GROUP
Prang pring alah prang pring
BU IBRO
Nu daratang kudu disuguhan
Prang pring alah prang pring
Keur balanja kaceot beakeun

RAMPAK GROUP
Pilih atuh pilih
BU IBRO
Kabeh oge karasep taregep
Pilih anu itu pilih anu ieu
Hal eta mah, masrahkeun kuma si nyai

RAMPAK GROUP
Jauh-jauh neang-neang pieunteupeun
BU IBRO
Susuganan milikna si nyai
RAMPAK GROUP
Jauh-jauh mikir boga incu
BU IBRO
Nelengnelengnengkung, nelengnelengnengkung
Nunang-naning nunang nuninang
Gan ari jadi indung
Henteu weleh ngaping beurang peuting
Gan ari jadi indung
Tetep tabah mikiran kapusing

GENDING 10 …………………………
Sabada bu Ibro ngaleos ka tukang, neng Jimi beberes tempat bari nyadiakeun cikopi jeung opieunana, tuluy ngareret jam , lunga lengo kaluar, elekesekeng ngadago nu rek datang.

NENG JIMI
Cisoca abdi saksina, yen abdi lana satia
Duh… yen abdi lana satia
Diantosan siang wengi, abdi tetep nganti-nganti
Dih … abdi tetep nganti-nganti
Enggal atuh geura sumping
Nuhun bari cacandakan jungjunan
Sok enggal mun geura sumping

RAMPAK GROUP
Aduh aduh ny ngantosan
Luak-lieuk hayang tepang, elekesekeng
Aduh aduh nu ngantosan
Acuk sae seungit kembang, supados anteng
……………. Antarlina ……………

DIALOG DI IMAH PA IBRO, BAGIAN-BAGIAN OBROLAN AYA AKSEN GENDING JEUNG PIRIGAN LAGU

PA IBRO
Jim… Jimi…., mana cikopina
NENG JIMI
Naon Pa?
PA IBRO
Cikopi!
NENG JIMI
Apan eta!
PA IBRO
Aeh heueeuh!….. Ari …………?
BU IBRO
Aya naon pa ka si nyai?
PA IBRO
Ah.. henteu….
BU IBRO
Sanes bapana, kumaha atuh perkara si nyai teh?
PA IBRO
Bapa mah moal mere pilihan, teu teu satuju
Pokona daek sukur henteu kudu
BU IBRO
Kumaha mun si nyaina maksa
PA IBRO
Ulah sambat kaniaya disiksa jeung kabogohna
NENG JIMI
Dunya cinta bapa, dunya cumantelna hate
Dunya cinta bapa, teu kahalang ku panyiksa
PA IBRO
Eduuun, dunya cinta jadi dalil, dunya cinta jadi ekol
Hayang burindil, hayang ngajendil.
NENG JIMI
Rupina demi diri demi jangji
Demi rasa demi cinta, sukalilah pek teh teuing
PA IBRO
Alah cinta murahan, cinta buah loa
Najan weureu dilakonan
BU IBRO
Ke… ke… ke heula, kumaha tadi teh pa?
PA IBRO
Ngajendil,…. Burindil….
BU IBRO
Bener eta teh nyai, akur pisan
PA IBRO
Tuh pan akur pisan
NENG JIMI
Akur, kumaha tea ieu teh?
BU IBRO
Kieu geura nyai…..
Ari ras jaman kapungkur, aya waas aya kelar
Emut ka hiji jajaka, anu keyeng mikacinta
Waktu cintana ditolak, harita keneh ngelepek…
NENG JIMI
Deudeuh teuing…….
BU IBRO
Hiiih… ari si nyai
Teu emutna tilu minggu, jaba sasar
Thobat…tobat.. jiga Rahwana
PA IBRO
Tah dengekeun nyai, lalakon indung maneh
BU IBRO
Puguh lalakon bapa maneh
PA IBRO
Geuning daek?
BU IBRO
Daek we da sieun dikadek
PA IBRO
Montong nyindiran,
Harita mah mamawa bedog soteh rek ngala suluh
BU IBRO
Geuning ngudag-ngudag abdi
PA IBRO
Bedog… dibebed ambeh ngajedog
BU IBRO
Cinta kuya, cintana loba mamaksa
NENG JIMI
Pa..pa… nyuhunkeun pengertianana
Cinta abdi ka kang Ujang, lir ibarat Srikandi ka Arjuna
Cinta kang Ujang ka abdi, lir ibarat Dewa Rama ka Dewi Sinta
PA IBRO
Heuheuy deudeuh…. Kuriak kasasar di alas roban, minantuan panayagan…. Si Ujang tukang babaung…
Gengsi dong……
NENG JIMI
Ibuuu…
BU IBRO
Sabar nyai sabar

UJANG DATANG NGETROKAN PANTO JEUNG PUPUNTENAN

UJANG : Punten… punten…
PA IBRO : Saha di luar?
UJANG : Abdi… Ujang
PA IBRO : Tah geuning mangkelukna, rasakeun siah…
NENG JIMI : Wios bapa ku abdi
PA IBRO : Ke heula bisi bangsat
NENG JIMI : Sanes bapa, sanes… Sidik soanten kang Ujang
PA IBRO : Euh mani hejo… ngajedog… halik bagean bapa
UJANG : Punten…
PA IBRO : Heueuh mangga ceuk dewek ge
UJANG : Aeh bapa… aeh Ibu… eueluh Nyai, damang Nyi…
NENG JIMI : Sae kang Ujang
UJANG : Dupi….
NENG JIMI : Rek naon kadieu… rek ocon?
UJANG : Teu acan…
NENG JIMI : Arek nya siah arek
UJANG : Manawi pareng
NENG JIMI : Surup!… naon eta?
UJANG : Bandrosss
PA IBRO ; Teu beuki
UJANG : Sawios kanggo nyai
PA IBRO : Teu meunang
UJANG : Sawios kanggo ucing
PA IBRO : Nyaho henteu, Pan gelo ari nu keiu mah
UJANG : Cekap we sakieu mah
NENG JIMI : Nuhun kang ujang
BU IBRO : Nuhun cep ujang, nuhun
UJANG : Sawangsulna nyai, sawangsulna ibu.. sawangsulna bapa
PA IBRO : Teu di dieu mah
BU IBRO : Pa itu tuangeun tos sayogi
PA IBRO : Can hayang
BU IBRO : Sanguna haneut, sambelna lada, aya lalab peuteuy
PA IBRO : Teu beuki… teu beuki
BU IBRO : Aya daging hayam, pais lauk, goreng lele.., pais kizu
PA IBRO : Teu .. teu.. teu beuki
BU IBRO : Nya kazeun….Cep ujang hayu atuh urang tuang
UJANG : Mangga…
PA IBRO : Ke heula dewek ge acan

JANG ADUN TUMOROJOG TEU TATA TITI, KATINGALIEUN KU NENG JIMI TULUY DIPAPAG

NENG JIMI : Aeh geuning kang Adun, mangga linggih
PA IBRO : Geus nu anyar deui wae, nu ieu can anggeus disetel, geus datang nu gehel.
ADUN : Kumaha pa, saha nu sebel
BU IBRO : Haturan jang Adun
ADUN : Euleuh geuning yaktos, kapan abdi ujang edun
PA IBRO : Nun Gusti… na naon dosa abdi
Boga anak awewe sasiki, mani hejo ka lalaki
BU IBRO : Meungpeung ngariung, kumaha lamun urang tuang
ADUN : Euleuh geuning yaktos, kapan abdi peurih beuteung
PA IBRO : Eladala, sia teh manusa atawa kuya?
PAMUDA : Sanes wargiii
PA IBRO : Ngajedog siah, maneh teh nyindiran
Pedah kami teu beuki daging…. Eta saha…
ADUN : Abdi?
PA IBRO : Lain ka sia kuya!
NENG JIMI : Amit..amit kang Adun
PA IBRO : Lain amit amit deuleu, nu kieu mah kudu didinamit
PAMUDA : Deudeuh wargiii
BU IBRO : Bapa..bapa…
PA IBRO : Lain anak maneh mah
BU IBRO : Enya lain….
Yeuh ceuk kami oge, urusan barudak mah pasrahkeun ka maranehna. Maranehna teh geus darewasa, geus sawawa pikeun nangtukeun pilihanana, anu penting mah asal ulah
UJANG : Ka wargii we nya bu…
BU IBRO : Ngajedog… ieu teh urusan dines
Goreng-goreng ge ieu teh kolot,
cing sing sopan saeutik…
PA IBRO : Ma…ma….
BU IBRO : Lain anak maneh mah
Rek naon mumu mama… ngomong
PA IBRO : Lain ngajakan dahar tadi teh?
ADUN : Euleuh leres hilap……………
BU IBRO : Disebut kuya leuheung keneh maneh teh, hayang barang dahar…
NENG JIMI : Ema .. sing emut
BU IBRO : Ke heula nyai kagog, bisi pajarkeun ema teu modern.
Ieuh pantesna oge indungna nu kudu ambek, sabab mun teu ambek sok nyeri suku

PAMUDA ASUP SIGA DI IMAHNA SORANGAN TULUY NYARITA KANU ARAYA

PAMUDA : Aeh… geuning seuuer tamu, kumaha daramang?
Har ..ari abdi calik dimana nya?
Bade disuguhan moal… Neng Jimi…..sini….
Halo boy parantos lami…. Ieu wargi Jimi nya?
Halo Bu… halo Pa….

NENG JIMI : Punten pa, punten Bu.. ayeuna bagian abdi
Ieuh atuh cing sopan jeung sing inget
Kapan geus dibejaan, malem Minggu ayeuna ulah datang
PAMUDA : Harrr.. apan ulah soteh jam tujuh
Akang mah kasubuhnakeun

NENG JIMI : Gila lu emangnya kami teh cewe murahan

ADUN : Euleuh geuing bendu, eta soca ampir coplok
UJANG : Ngajedog wargiii

NENG JIMI : Sok… sok rek naon deui

PAMUDA : Biasana ari nu apel, kumaha?

ADUN : Kieu yeuh ari nu apel mah
Pasukan disiapkan, laporan komandan upacara, penaikan bendera, mengheningkan cipta, terus sasalaman… tuluy dahar….

NENG JIMI : Sugan sarua geblegna

PA IBRO : Nyai..ulah teuas teuas teuing

NENG JIMI : Abdi teh sanes barang hipu bapa

PA IBRO : Enya bapa ge nyaho ti ema

BU IBRO : Teu teu rumasa didieu mah

PA IBRO : Rarasaan bapa ieu mah

UJANG : Muhun nya pa, raraosan ka wargiiii

NENG JIMI : Wargi deui wargi deui
Pa… ma…. Keun antep.. tong disanghareupan…
Kaluar kabeh kaluar
Mun teu daek kaluar
Kajeun kami nu kaluar

GENDING PANUTUP
Pa Ibro jeung Bu Ibro naringalkeun tempat. Neng Jimi pada marebutkeun rek dipenta kaputusan. Pa ibro balik deui, ninggali anakna diparebutkan tuluy mesat bedog. Ujang, Adun jeung Pamuda lalumpatan

Bandung, 7 September 2004

DUEL

Nano. S

INSTRUMENTALIA
DISUATU KAMPUNG BEBERAPA PEMUDA SEDANG BERSIAP SIAGA MENJAGA DAERAHNYA KARENA MENDAPAT INFORMASI BAHWA DAERAHNYA AKAN ADA YANG MENYERANG
IBRO KEPALA KELOMPOK MEMBERI PERINTAH

KELOMPOK KAMPUNG
Lain urang neang lawan
Atawa rek riributan
Tapi demi harga diri
Urang perlu taki-taki

IBRO
Demi harga diri tea
Teu salah urang usaha
Teu awewe teu lalaki
Di dieu perlu ka wani

KELOMPOK KAMPUNG
Siku siwulung-wulung
Maung ngamuk gajah meta
Het het het….tah tah tah

Angkuh sombong buraong
Pang akangna ieu aing
Het het het … tah tah tah


INSTRUMENTALIA
DI ARAH LAIN MENUJU JALAN KE KAMPUNG, TAMPAK BEBERAPA PEMUDA/PEMUDI YANG BERPAKAIAN SERBA NYENTRIK, BERGAYA DAN BERLAGAK KEBARAT-BARATAN.
JENGGO KEPALA ROMBONGAN BERJALAN PALING DEPAN

KELOMPOK KOTA
Wow wow wow wow wow
Hey hey hey hey hey
Wow wow wow wow wow
Hey hey hey hey hey

Kelas eceng gondok
Mabau cecunguk
Mau ngejago …. Melawan Jenggo
Tak mungkin…tak mungkin
Aha aha..hey hey hey hey
Aha aha..hey hey hey hey

Perempuan kampung
Mbau lisung
Makannya kangkung
Jalannya bengkung
Aduh biung… aduh biung…..

INSTRUMENTALIA
KELOMPOK JENGGO SEMAKIN MENJADI-JADI TINGKAHNYA.
MEREKA SUDAH TAK MENGHIRAUKAN LAGI KEADAAN SEKELILINGNYA

KELOMPOK KOTA
Kita punya barisan
Orang pilihan
Kita punya jagoan
Penuh harapan

Siapa berani menyerang
Mencoba bertarung berantam
Nih .. nih .. nih
Knock out

Kita pantang mengalah
Tak pernah kalah
Kita banyak dekingnya
Yang lebih gagah

Siapa berani maju duel mengadu jajaten
Dor dor dor duplikat jenggo
Aha ehe hey hey hey hey


INSTRUMENTALIA
DI DEPAN PINTU MASUK KE KAMPUNG, PARA PEMUDA-PEMUDINYA TAMPAK SEMAKIN WASPADA. DI TEMPAT LAIN ADA YANG SEDANG BERLATIH.
IBRO PIMPINAN KELOMPOK TIBA DAN MEMBERI PERINTAH


IBRO
Perhatian sakabehna
Regepkeun omongan kami
Mun engke aya nu datang
Nya didinya sing caringcing

RAMPAK
Lamun itu gede omong
IBRO
Tembalan ku omong deui
RAMPAK
Lamun itu jeung pakarang
IBRO
Sanghareupkeun tarang nongnong
RAMPAK
Beres lah, ateul-ateul teuing
Eta mah kumaha kuring
IBRO
Lamun itu ngomong ?
RAMPAK
B e p
IBRO
Lamun itu ninggang
RAMPAK
L e p
IBRO
Lamun itu hudang ?
RAMPAK
K e p
IBRO
Lamun itu lumpat ?
RAMPAK
Duuut
Hebat euy .. hebat euy

INSTRUMENTALIA
PARA PEMUDA DESA BERGERAK SAMBIL TERUK BERSORAK SORAI
DI TENGAH JALAN MEREKA BERTEMU DENGAN KELOMPOK JENGGO
KEDUA BELAH PIHAK BERSIAP SIAGA DAN SALING MEMPERLIHATKAN KEPANDAIANNYA MASING-MASING

KELOMPOK KOTA
Ha ha ha ha ha…..
Eceng gondok lu
KELOMPOK DESA
Hi hi hi hi hi ….
Slebor lu
PEMUDI KOTA
Dasar orang tampang peuyeum
PEMUDI DESA
Dasar cewe bau bensin
PEMUDI KOTA
Kampungan
PEMUDI DESA
J e t e
PEMUDI KOTA
Dangdut
PEMUDI DESA
Pedut
PEMUDA KOTA
Sory wow wow wow baeu leutak
PEMUDA DESA
Maaf agan … bau hapeuk
Sok ibak


INSTRUMENTALIA
KARENA MERASA DIHINA MAKA JENGGO NAIK DARAH
PARA PEMUDA KAMPUNG TAK KALAH SEWOTNYA

JENGGO
Rap sigrap purna Jenggo ………
Rap sigrap purna Jenggo ………
Dihina kudu bolohooooo…
Eeeeeee keterlaluan……

IBRO
Capang Ibro matak nambru……..

RAMPAK
Asolale wao waeng
Capang Ibro ya matak nambru….
…………………………………

INSTRUMENTALIA
SUASANA SEMAKIN PANAS, KEDUA BELAH PIHAK SUDAH SIAP SEDIA
DARI ARAH LAIN DATANG SEORANG LAKI-LAKI SETENGAH TUA SAMBIL MENIUP PELUIT


ABAH
Punten….punten…
Cipanas yeuh cipanas
Sory boy sory….
Cipanas…cipanas

INSTRUMENTALIA
KEDUA BELAH PIHAK YANG AKAN BERKELAHI MENJADI KAGET

ABAH
Boy..boy sory boy
Ujang oge sory
KELOMPOK KOTA
Apa apaan tuh
KELOMPOK DESA
Rek nanaonan bah
KELOMPOK KOTA
Gua mau duel
KELOMPOK DESA
Kuring rek papuket
ABAH
Tenang tenang abah wasit
KELOMPOK KOTA
Wasit…wasit apa
KELOMPOK DESA
Wasit…watirrrr
Abah meniup peluit
ABAH
Tenjo..tenjo…
Nyaho ieu…naon tah ?
KELOMPOK DESA
Iyeyyyy koneng
ABAH
Huntu maneh
Da bodas
KELOMPOK KOTA
Mentang mentang wasit
Nindak seenaknya
Prikik bah …..

Si Abah meniup peluit
ABAH
Lihat…lihat
Tau inih
KELOMPOK KOTA
Tau….
ABAH
Syukur geuning pinter
KELOMPOK KOTA
Lumayan …..

INSTRUMENTALIA
KARENA MERASA MENANG SALAH SEORANG PEMUDI KOTA BERJINGKRAK, SI ABAH KAGET MELIHAT GAYANYA

ABAH
Stop…stop…sini..kesini….
Kamu laki perempuan
CEWE KOTA
Cewe , emang nye…
ABAH
Syukur…masih ingat identitas
KELOMPOK DESA
Whirang euy..wirang euy

ABAH
Heup…eureun…dieu kadieu
Maneh teurak ku bedog
PEMUDA DESA
Theurak… meureunan
ABAH
Handay..dagingna hipu keneh
KELOMPOK KOTA
Bloon euy..bloon

INSTRUMENTALIA
KEDUA BELAH PIHAK SALING TUNJUK MERASA DIRINYA YANG MENANG. SI ABAH MEMANGIL SALAH SATU PERWAKILAN DARI TIAP KELOMPOK UNTUK DITANYA

ABAH
Coba ceritakan gimana mulainya
PEMUDA KOTA
Waktu gue datang
Dia melirik
Sayah dekati
Dia melotot
Saya bertanya
Dianya ngotot
Ajak berantam
Mau ngeroyok

KELOMPOK DESA
Bohong…bohong…
Fitnah…lu fitnah..

Bunyi peluit dari si Abah sambil mengacungkan kartu kuning kepada Ibro Cs

ABAH
Cing pek caritakeun
Kumaha mimitina
GADIS DESA
Waktu abdi leumpang
Manehna noel
Abdi ngalieuk
Manehna nyawel
Ku abdi di gebes
Manehna nangkel
Ku abdi ditongtak
Jenggo ngajungkel
KLOMPOK KOTA
Bohong bohong
Ngarang lu ngarang

Si Abah meniup peluit, kartu kuning diangkat kepada kelompok Jenggo Cs

ABAH
Kamu semuanya kacingcalang
Jadi alat perjuangan seseorang
Mana pemimpinnya
Coba suruh ke depan

INSTRUMENTALIA
KEDUA PIMPINAN KELOMPOK MAJU DAN MEMPERLIHATKAN GAYANYA.
KARENA TERLALU LICAH WIG RAMBUT YANG DIPAKAI JENGGO JATUH BESERTA TOPI YANG DIPAKAINYA, BEGITU PULA KUMIS PALSU YANG DIPAKAI IBRO JATUH,
KETIKA SUDAH BERHADAPAN, KEDUANYA KAGET…. LALU BERPELUKAN

ABAH
Moal enya aya gelut kitu
Nya euy
KELOMPOK DESA
Muhun
ABAH
Boa-boa maranehna tukang tipu
Nya boy
KELOMPOK KOTA
Iyeh,,,,

INSTRUMENTALIA
SAMBIL BERGANDENGAN IBRO DAN JENGGO MENDEKATI ABAH

JENGGO/IBRO
Aduh abah abdi neda hapunten
Ieu aya carita
Regepkeun ku sadayana

JENGGO
Ibro sobat gue
Teman sejak kecil
Bedanya gue ke kota
Kang Ibro engga mau ikut
KELOMPOK KOTA
Kenape ?
IBRO
Mau kawin
KELOMPOK KOTA
Calonnye ?
IBRO
Jande mude
KELOMPOK KOTA
Terusnye ?
JENGGO
Kaga jadi
KELOMPOK KOTA
Kenape ?
JENGGO
Kurang gizi

IBRO
Jenggo sobat medok
Bareng sok kokodok
Kabeukina lauk betok
Dicampur jeung jawer kotok
Nu matak sukuna pondok
KELOMPOK DESA
Cirina ?
IBRO
Dekok
KELOMPOK DESA
Irungna ?
IBRO
Ngelok
KELOMPOK DESA
Leumpangna ?
IBRO
Bongkok
KELOMPOK
Disadana ?
IBRO
Kukakokok

ABAH
Tak tage ulah sok gurunggusuh
Maranehna kapan batur salembur
RAMPAK DESA/KOTA
Punten bah abdi nyuhunkeun damai
Carana
Nyanggakeun kumaha abah
ABAH
Mau damai ?
KELOMPOK KOTA
O k e,,,
ABAH
Arek duel ?
KELOMPOK DESA
Moal
ABAH
Sok cantel !
KELOMPOK KOTA
Sana dulu !
KELOMPOK DESA
Dinya heula !
KELOMPOK KOTA
Sana !
KELOMPOK DESA
Dinya !
KELOMPOK KOTA
Sana !
KELOMPOK DESA
Dinya !
KELOMPOK KOTA
Sana !
KELOMPOK DESA
Dinya !
ABAH
Euh…kudu ku kolot wae
Sok cantel !

RAMPAK
Cantel cantel cantel cantel
Cantel cantel cantel cantel

Sapasang-sapasang ( kota jeung desa ) kaluar pentas
GENDING PANUTUP